اسلام آ باد۔ 31 جنوری (اے پی پی) وزارت ڈٹ بندی شونداری و اصلاحات سرکاری بشخ انا شونداری پروگرام تے ٹی نیشنل ہائی وے اتھارٹی نا شونداری کاریم تے کن جم وڑاٹ داوخت اسکان اسہ کھرب اسہ ارب 45کروڑ 98 لکھ روپئی آن زیات نا فنڈ جاری کرینے۔ حکومت دا ڈویژن نا شونداری کاریم تے کن اینخو نا مالی سال اٹی اسہ کھرب 85 ارب روپئی آن زیات نا فنڈ جتا کرینے۔ پلاننگ کمیشن نا کنڈآن جاری کروک حساب وکتاب نا رداٹ حکومت سہون سیکشن نا جوڑ کننگ کن 12کروڑ، ڈی آئی خان اٹی انڈس ریور آ 4رویہ پول انا جوڑ کننگ کن 16کروڑ، 6رویہ ہائی وے کالاشاہ کا کو آن لاہور نا جوڑ کننگ کن اسہ ارب 2 کروڑ، برہان آن حویلیاں ایکسپریس وے انا جوڑ کننگ کن 24 کروڑ، پشاور موٹروے نیو اسلام آباد ایئر پورٹ اسکان میٹرو بس لین اکن اسہ ارب، خانیوال ایکسپریس وے اکن 50 کروڑ، برہان آن ہکلہ موٹروے نا جوڑ کننگ کن 10 ارب، جگلوٹ آن سکردو روڈ انا جوڑ کننگ کن اسہ ارب 40 کروڑ، لاہور آن ملتان موٹروے سیکشن کن 16 ارب 26کروڑ، سی پیک انا رداٹ اسلام آباد آن رائیکوٹ سیکشن نا جوڑ کننگ کن 20 کروڑ روپئی آن زیات نا فنڈ جاری کرینے۔