اسلام آباد۔ 31جنوری (اے پی پی) وزارت موسمیاتی بدلی و نیشنل رورل سپورٹ پروگرام (این آر ایس پی ) نا نیام اٹ مفاہمتی یات داشت آ دستخط مسنے۔ مفاہمتی یات داشت آ وزارت موسمیاتی بدلی نا ڈائریکٹر جنرل ماحولیات عرفان طارق و نیشنل رورل سپورٹ پروگرام نا چیف ایگزیکٹو آفیسر ڈاکٹر راشد باجوہ دستخط کریر۔ وزیراعظم نا سلاہکار موسمیاتی بدلی ملک امین اسلم پارے کہ دا یاداشت نا رداٹ دہ بلین ٹری سونامی ٹی ڈرون کون آ پوسکن انگا ٹیکنالوجی نا کاریم اٹ اتنگک ہراڑان بھلو کچ اسے آ تالان علاقہ ٹی شجر کاری مننگ کیک۔ یات داشت نا مسخت ’’چیلنج فنڈ فارکلائمیٹ سمارٹ پروجیکٹ‘‘ نا جوڑ کننگ ءِ ہرانا رداٹ نیشنل رورل سپورٹ پروگرام، وزارت موسمیاتی بدلی نا کمک اٹ اسہ کروڑ روپئی نا فنڈ جاری کینہ تو کلین گرین پاکستان موومنٹ نا رداٹ شونداری کاریم آ خڑچ مریک ۔ مفاہمتی یات داشت نا رداٹ چیلنج فنڈ فار کلائمیٹ سمارٹ پروجیکٹ نا بنامارچ انا تُو آن مریک و دہ بلین ٹری سونامی پروجیکٹ اٹی ’’ڈرون‘‘ نا کمک اٹ شجرکاری مریک۔
