اسلام آباد۔ 31جنوری (اے پی پی) بنجائی وزیر نیشنل ہیلتھ سروسز ریگولیشن و کوآرڈینیشن عامر محمود کیانی پارینے کہ بنجائی دارالحکومت نا 5لکھ 70 ہزار چناتے تون اوار مچ آ ملک انا 17 ملین اسکول آ ہنوک آ چناتے کن پڈ انا پُو تا چٹفنگ کن باقاعدگی اٹ گام گیج کننگ نا گرج ءِ چناتا مرک انا سوب آن اسہ سوب غذائی کمتی ہم ارے ،غذائی کمتی و انیما نا ناجوڑی تا اسہ سوب پڈ انا پو تا سوب مروک آ انفیکشن ہم ارے۔ خراب سینٹیشن نا حالیت و حفظان جان جوڑی نا حالیت آتا سوب اسکول آ ہنوک آ چناتے ٹی پڈ انا ناجوڑیک زیات مننگ ءُ۔ او داڑے پڈ انا پُو تا چٹفنگ نا جہانی دے انا مناسبت آن اڈ ہلوک آ دود آن تران کریکہ۔ وزارت تعلیم و کسبی تربیت ، وزارت ڈٹ بندی شونداری و اصلاحات و نیشنل ہیلتھ سروسز ریگولیشن و کوآرڈینیشن ، این جی اوز نا نمائندہ و ایلو ساڑی مروک آ تا بھلو کچ اس دوداٹی ساڑی ئسر۔ عامر محمود کیانی پارے کہ اسلام آباد اٹی پڈ انا پوتا چٹفنگ کن کن پروگرام اس درستی راستی کرفنگ نا ستاءِ کینہ، دا پروگرام ننا چناتے کن بھاز اہم ءِ انتئے کہ دا چناتے ٹی انیمیا (دتر نا کمتی ) ، غذائی کمتی کون آ ناجوڑی تا توننگ اٹ اہم کڑد ادا کیک۔ اوپارے کہ غذا و غذائیت انسانی جان جوڑی و پائیدار شونداری کن اہم ءُ۔ چناتے ٹی غذائی کمتی نا کیس آتے ٹی پدریسہ ودکی مننگ ءِ، ننے داڑآ چکار کننگ ناگرج ءِ۔ داوخت اسکان پاکستان اٹی داڑا ہمو کاریم متنے ہرادے مروئی ئسک۔ سروے رپورٹ نا رداٹ چناتا مرک انا سوب آن اسہ سوب غذائی کمتی ہم ارے۔ اوپارے کہ غذائی کمتی و انیمیا نا ناجوڑی تا اسہ سوب پڈ انا پُوتا سوب مروک آ انفکیشن ہم ارے، خراب سینٹیشن نا حالیت و حفظان جان جوڑی نا حالیت آتا سوب اسکول آ ہنوک آ چناتے ٹی پڈ انا ناجوڑیک زیات مننگ ءَ اوپارے کہ جہانی ادارہ جان جوڑی (ڈبلیو ایچ او) نا رداٹ مچ آ دنیا ٹی یک و نیم ارب آن زیات چناک پڈ انا پُو یا مشن آن منتقل مروک آ ناجوڑی ہیلمبرٹ اٹی مبتلا ءُ، پڈ انا ناجوڑی تے ٹی مبتلا 835 ملین چناتا درمان نا گرج ءِ ۔ اوپارے کہ بنجائی دارالحکومت نا 5لکھ 70 ہزار چناتے تون اوار مچ آملک انا 17 ملین اسکول آ ہنوک آ چناتے کن پڈ انا پُوتا چٹفنگ کن باقاعدگی اٹ گام گیج کننگ نا گرج ءِ۔
