اسلام آباد۔ 31جنوری (اے پی پی) پاکستان و اومان ہڑتوم آ کنڈآتا واپار و زرکاری تون اوار تین پہ تینی تعلقداری تے پین مون آ دننگ آ امنا کرینو۔ دا امنائی وزیر خارجہ شاہ محمود قریشی نا اومان نا نائب وزیراعظم سید فہد بن محمد السید تون مسقط اٹی اوڑدہی ٹی مس۔ اوڑدہی ٹی ہڑتوم آ کنڈآتا تعلقداری، ڈیہہ نا حالیت آتون اوار اہم علاقائی و جہانی معاملہ غاتیا گپ و تران کننگا۔ وزیر خارجہ مخدوم شاہ محمود قریشی اومان نائب وزیراعظم ءِ اوغانستان تون اوار اہم علاقائی ویل آتیا پاکستان نا نقطہ نظر نا بابت آن پت اٹی ہلک۔ شاہ محمود قریشی پارے کہ پاکستان، پاک۔اومان تعلقداری تے بے کچ قدر انا نظر اٹ ہرک ۔ اومان نا نائب وزیراعظم عمان نا تعمیر و شونداری ٹی داڑے رہینگوک آ پاکستانی کمیٹی نا کڑد انا ستاءِ کرے۔ ہڑتوم آ راہشونک ہڑتوم آ کنڈآتا واپار و زرکاری ءِ مون آ دننگ و تین پہ تینی تعلقداری تے پین مون آ دننگ آ ہم امنا کریر۔

متعلقہ مضامینمصنف کی طرف سے مزید