اسلام آباد۔ 30 جنوری (اے پی پی) مزن وزیر عمران خان ءَ گوشت کہ فیڈرل بورڈ آف ریونیو (ایف بی آر) ءِ کار آنی جوانی حکومت ءِ ایجنڈا آنی ارزشتی ایں بھر اِت، گوستگیں وھد ءَ الس ءُُ ھاسیں رنگ ءَ بزنس کمیونٹی ءَ را ٹیکس کارندہ آنی نیمگ ءَ روان دیگ، ٹیکس ءِ گرگ ءِ چپ ءُُ چوٹیں وڑ ءُُ پیم، کرپشن ءُُ ٹیکس ءِ جم بوتگیں زرّ آناں سروک آنی واجئی نندگ ءُُ نوشگ ءِ سر ءَ ھرچ ءُُ درچ کنگ ءِ سبب ءَ لس شہری آناں ٹیکس ءِ نظام ءُُ ایف بی آر ءِ سرءَ دل یکیمی دور اتکگ ایشرا دووارگ برجا کنگ ءِ ضلورت اِنت آئی ءَ اے ھیالانی درشانی چار شمبے ءِ روچ ءَ ادا مزن وزیر کارگس ءَ فیڈرل بورڈ آف ریونیو ءِ کار آنی بابت ءَ دیوان ءِ سروکی ءَ کنان ءَ کت۔ دیوان ءَ وزیر ءِ ھزانگ اسد عمر، وزیرِ مملکت برائے ’’محصولات‘‘ حماد اظہر، چیئرمین ایف بی آر جہانزیب خان ءُُ ایندگر کلانہ ایں اپسرگ آں بھر زوری کت۔ چیئرمین ایف بی آر ءَ مزن وزیر ءَ را پاکستانی شہری آنی ڈن ملکی جائیداد آنی نشان دیگ ءُُ اے مڈی آنی سر ءَ ملکی کانود ءِ چیر دستی ءَ لائک گرگی ٹیکس ءِ برجائی ءِ واستہ کتگیں گامگیج آنی سر ءَ انوں ءَ تاں بوتگیں دیمروئی کار آنی سر ءَ بریفنگ دات۔ مزن وزیر ءَ گوشگ بوت کہ جتا جتائیں ملکی ادارگ ، در ملک ءَ چہ کتگیں منوگری ءُُ مالوم داری آنی رسانک در آں چہ سرجمیں ھال آیگ ءَ انت۔ رستگیں ھال آنی سرجمیں چار ءُُ تپاسی زوران ءَ کانود ءِ رد ءَ لائک ءِ گرگی ٹیکس ءِ گرگ ءِ واستہ سدانی مردم آناں نوٹس جاڑی کنگ بوتگ۔ چیئرمین ایف بی آر ءَ گوشت کہ ڈن ملک ءَ جائیداد آنی ھوالگ ءَ کیس آنی سر ءَ چار ءُُ تپاس ءُُ ایشاناں زوتاں زوت سرجم کنگ ءِ واستہ ملک ءِ شش مزنیں شہری لاہور، کراچی، اسلام آباد، پشاور، کوئٹہ ءُُ ملتان ءَ آف شور ٹیکسیشن کمشنریٹ ءِ جوڑ کنگ بوتگ۔
