اسلام آباد۔ 30 جنوری(اے پی پی) مزن وزیر عمران خان ءَ گوشت کہ بنجاھی حکومت ٹیکسٹائل شوبگ ءِ برجائی ءِ واستہ ھمک رنگ ءِ کمک ءَ پجارین ایت، ملکی معیشت ءِ گہتری ءُُ برجائی ءِ واستہ دولت ءِ پیداوار ءُُ مزد گری ءِ تہ ءَ گیشی ءِ واستہ سکل ڈویلپمنٹ ءِ سر ءَ ھاسیں دلگوشی دیگ ءِ ضلورت اَنت۔ آئی ءَ اے گپ چار شمبے ءِ روچ ءَ ٹیکسٹائل سیکٹر ءَ گوں سیادی داروکیں ایشوز آنی بابت ءَ دیوان ءِ سروکی ءَ کنان ءَ کت۔ دیوان ءَ مشیر تجارت عبدالرزاق داؤد، سیکرٹری ٹیکسٹائل افتخار بابر ءُُ دگہ کلانہ ایں کارندہ آں بھر زوری کت۔ سیکرٹری ٹیکسٹائل ڈویڑن ءِ نیمگ ءَ مزن وزیر ءَ را ٹیکسٹائل سیکٹر ھاسیں رنگ ءَ لاہور گارمنٹس سٹی، کراچی گارمنٹس سٹی پاکستان ٹیکسٹائل سٹی لمیٹڈ ءُُ ایندگر آنی جیڈھ آنی باروا بریفنگ دیگ بوت۔ مزن وزیر ءَ را سیکرٹری ٹیکسٹائل ءِ نیمگ ءَ آیوکیں پنچ سال آنی تہ ءَ یک لکھ 20ہزار ورنا آناں ھیل کاری ءِ پروگرام ءِ سرءَ بریفنگ دیگ بوت۔ مزن وزیر ءَ پنت ءُُ شون کت کہ ورنا آناں ھندی ءُُ ڈنی ملکی مارکیٹ ءِ ضلورت آنی رد ءَ ھیل کاری دیگ ءِ سر ءَ ھاسیں دلگوشی دیگ بہ بیت۔
