بنجاھی وزیر ڈاکٹر فہمیدہ مرزا ءَ گوں ترکی ءِ سفیر احسان مصطفی یرداخیل ءِ گند ءُُ نند

اسلام آباد۔ 30 جنوری (اے پی پی) بنجاھی وزیر برائے صوبگ آنی نیام ءَ رابطہ ڈاکٹر فہمیدہ مرزا ءَ گوں ترکی ءِ سفیر احسان مصطفی یرداخیل ءَ گوں گند ءُُ نند کت۔ گند ءُُ نند ءَ وت مہ وتی یکوئی کار آں ھوار ایندگر شوبگ ھاسیں رنگ ءَ سیل ءُُ سواد ءُپ لیب ءُُ گوازی ءِ شوبگ ءَ کمک ءَ را گیش کنگ ءِ سر ءَ تپاک کنگ بوت۔ ڈاکٹر فہمیدہ مرزا ءَ گوشت کہ ترکی مسلم دگنیا ءِ یک ارزشتی ایں ملک اِنت ءُُ پاکستان ترکی ءِ گوما یکوئی آناں سرک باز ارزشت دنت، ترکی ءَ پڑ ءَ ایمنی ءِ دیمروئی ءِ واستہ ارزشتی ایں کرد پیلو کتگ، ناشرکاری ءِ سبب ءَ پاکستان ءَ سیل ءُُ سواد ءِ پڑ سک باز آماچ بوتگ، پاکستان ءَ سیل ءُپ سواد ءُُ لیب ءُُ گوازی ءِ ھوالگ ءَ سک باز ’’سکوپ‘‘ است، پاکستان ءِ جوانیں لکا ءِ واستہ لیب ءُُ گوازی ءُُ سیل ءُُ سواد ءِ شوبگ سک باز ارزشتی اَنت ءُُ اے شوبگ آنی تہ ءَ پاکستان ترکی ءِ گوما کمک آناں گیش ودینگ ءِ واستہ مھکمیں گامگیج لوٹ ایت۔ آئی ءَ گوشت کہ پاکستان ترکی یکوئی آناں دیمروئید ءِ ھوالگ ءَ سٹرٹیجک اکنامک فریم ورک ءَ سیل ءُُ سواد ءُُ لیب ءُُ گوازی ءِ پڑ ھوار اَنت۔