اسلام آباد ۔ 30 جنوری (اے پی پی) آپ ءِ وسیلگ آنی بنجاہی وزیر فیصل واوڈا ءَ گوشت کہ ڈیمانی جوڈ استیں حکومت ءِ اولی دلگوشی ءِ تہ ھوار انت، گوستگیں 50سال ءِ تہ کجام حکومت ءَ ڈیمانی جوڈ دیگ ءَ را ارزشت نہ داتگ ،داسو ڈیم منصوبگ ءِ سرا کارءِ رپتار ترند کنگ بیت۔اے ھیالانی درشان آہاں داسو ڈیم سٹیرنگ کمیٹی ءِ 12می دیوان ءِ سروکی کنان ءَ کتگ ات۔دیوان ءِ تہ سر وزیر خیبرپختونخوا محمود خان ءُُ دگہ ہمگرنچیں واکداراں بہرزوراتگ۔دیوان ءِ تہ بنجاہی وزیر ءَ را داسو ڈیم منصوبگ ءِ باروا سرپدی دیگ بوتگ
