اسلام آباد۔ 30 جنوری (اے پی پی) وزیر خارجہ مخدوم شاہ محمود قریشی تینا اومانی ہم منصب یوسف بن علوی تون اوڑدہی کرے۔ چار شنبے نادے آ وزارت خارجہ نا کنڈآن جاری بیان نارداٹ اوڑدہی ٹی ہڑتوم آ کنڈآتا تعلقداری، ڈیہہ نا تازہ انگا حالیت و جہانی معاملہ غاتیا گپ و تران کننگا۔ داوخت آ پاکستان و اومان نا وزیر خارجہ غاک چندی بشخ آتے ٹی تین پہ تینی کمکاری ءِ ودفنگ نا وڑوڈول نا ہم جاچ ءِ ہلکر۔ وزیر خارجہ شاہ محمود قریشی وزیراعظم پاکستان نا ہمسایہ ملک آتون گچین تعلقداری تا پالیسی ءِ مون آ تخا۔ داوخت آ مخدوم شاہ محمو دقریشی پارے کہ ہڑتوم آ ملک آتا نیام اٹ السی کہول آ رابطہ غاتا مون آ دننگ کن سینٹ فرینڈ شپ گروپ ءِ فعال جوڑ کننگک۔ ہڑتوم آ ملک آتا وزیر خارجہ غاک ڈل آتا کہول آ ہم مذاکرات کریر۔ وزیر خارجہ مخدوم شاہ محمود قریشی تینا اومانی ہم منصب ءِ پاکستان نا دورہ نا سلہ خلک۔
