ہری پور۔ 30 جنوری (اے پی پی) بنجائی وزیر توانائی عمر ایوب خان و صوبائی وزیر جان جوڑی ڈاکٹر ہاشم انعام اللہ خان نا کماشی ٹی پشاور اٹی اہم ءُ میٹنگ اس مس ہراٹی ڈسٹرکٹ ہیڈ کوارٹر ہسپتال نا اپ گریڈیشن و میڈیکل کالج نا جوڑ کننگ نا بابت آن لائحہ عمل اس پک کننگا۔ گپ و تران اٹی ڈی ایچ کیو اپ گریڈیشن نا بابت گپ و تران مس۔ داوخت آ داہیت ہم پک مس کہ ڈٹ ءِ زوت آن زوت ایسر اسکان سرکننگک۔ یات سلے کہ داڈٹ بنجائی و صوبائی حکومت آتا تین پہ تینی کمک اٹ پورو مریک۔ ڈٹ کم و ود مسہ ارب روپئی نا بھلو پیسہ سے آن پوروی اسکان سرمریک ہرافتیان 80 درسد یعنی 2 ارب 40 کروڑ روپئی بنجائی حکومت و 20 درسد یعنی 60 کروڑ روپئی صوبائی حکومت ایتک۔ داوخت آ مسکوہی صوبائی وزیر یوسف ایوب خان و چیئرمین ڈیڈک کمیٹی ارشد ایوب خان آن بیدس ایلو سرکاری آفیسر آک ہم ساڑی ئسر۔ سرکاری تعلقدار آفیسر آک دا وخت آ وزیر آتے میڈیکل کالج و ہسپتال نا اپ گریڈیشن نا بابت چندی معاملہ غاتیا احوال تسر۔
