اسلام آباد۔ 30 جنوری (اے پی پی) پاکستان تحریک انصاف نا کنڈآن سویلی افریقہ نا شار سنچورین اٹی ڈیمز فنڈ ریزنگ نا مہم نا چرجوئی ٹی 4 فروری آ دود اس اڈتننگک ہراٹی سینیٹ نا قائمہ کمیٹی اطلاعات ونشریات نا چیئرمین سینیٹر فیصل جاوید خان خصوصی وڑاٹ بشخ ہلیک۔ سینیٹر فیصل جاوید دا وخت آ پاکستان کرکٹ ٹیم ءِ ہم بشخ ہلنگ نا سلہ خلکونے ۔ ساڑی آ دورہ غا سویلی افریقہ ٹی ساڑی پاکستان کرکٹ ٹیم انا کیپٹن شعیب ملک تون اوار ایلو گوازی گرآک ہم دا ایونٹ نا زیب و زینت مریرہ۔ تحریک انصاف سویلی افریقہ نا صدر زاہد افضل دا بابت تیاری تے پورو کرینے۔ ایونٹ اٹی وزیراعظم عمران خان نا دستخط مروک بیٹ و گیند ءِ ہم نیلامی کن پیش کننگک۔ سینیٹر فیصل جاوید تینا کلہو اسے ٹی پارینے کہ پیشن نا ملک اٹی رہینگوک آ پاکستانی تا جوزہ ستاکڑزک۔ داوخت اسکان ڈیم فنڈ اٹی پاکستانیک زیات آن زیات بشخ شاغانو۔ اوپارے کہ سویلی افریقہ ٹی رہینگوک آ پردیسیک سپریم کورٹ و وزیراعظم نا خواست آ ڈیم فنڈ اٹی زیات آن زیات بشخ شاغر، اوپارے کہ ہمووخت مر اف ہراتم پاکستان اٹی دیر انا تنکی نا مون ءِ تورنہ۔
