اسلام آباد ۔ 18 جولائی (اے پی پی)ادارکی ڈنی وزیر عبداللہ حسین ہارونءَ گوشت کہ ناشرکاری انوں ھم مستریں چیلنج انت،پشاور،بنوں ءُُ مستونگءِ تہ انوگیں تراکاں پدر کت کہ ناشرکاری ءِ ھلاپ باز کار کنگ ءِ ضلورت انت۔دگنیا ترندی ءِ گوما فوجی الائنس ءِ ابید بیوپاری یکوئی ءِ نیمگا روگ انت۔مارءَ گہتری ءِ نیمگا روگ ءِ ھاترا وتی پالیسیانی نوک ءِ وڈ ءَ چارگ بیت،ہماءِ تہ مردمانی چاگردی ءُُ اقتصادی گہتری سرفہرست انت۔سندھ طاس معاہدہ غیر فعال بوتگ،پاکستان ءُُ بھارت ءَ را آبی بحرانءِ معاملہ حل کنگ ءِ ضلورت انت۔چار شمبے ءَ ادا سنٹر فار انٹر نیشنل سٹریٹجک سٹڈیز(سی آئی ایس ایس)ءِ چیردستی ’’پاکستان ءِ ڈنی پالیسی :چیلنجز ءُُ موہ‘‘ ءِ موضوع ءِ سرا یک روچیں کانفرنس ءِ گوما تران کنان ءَ ادارکی ڈنی وزیر ءَ گوشت کہ پشاور،بنوں ءُُ مستونگ ءِ تہ انوگیں تراکاں پدر کت کہ ناشرکاری ءَ را بن ءَ چہ دور دیگ ءِ ھاترا انوں باز کار کنگ ءِ ضلورت انت۔آہاں گوشت کہ ناشرکاری انوں ھم پاکستان ءِ ھاترا مستریں چیلنج انت۔
