اسلام آباد۔ 18 جولائی (اے پی پی) برطانوی مزن وزیر دتھریسامے ءَ پاکستان ءَ استیں ناشرکاری اُرش ءِ سبب ءَ گران بھائیں بنی آدم آنی جانی تاوان ءِ سر ءَ وتی پاکستانی ھمکار جسٹس (ر) ناصر الملک ءَ گوں دلی یکوئی ءُُ گم ءِ درشان کنان ءَ گوشت گچین کاری ءَ کار ءِ وھد ءَ ناشرکاری اُرش سک باز اپسوزی اَنت ۔ چار شمبے ءِ روچ ءَ برطانوی ہائی کمیشن ءِ رد ءَ برطانوی مزن وزیر تھریسامے ءَ گوستگیں ھپتگ ءَ مستونگ ءَ ھوار ناشرکاری اُرش ءَ گران بھائیں بنی آدم آنی جانی تاوان ءِ سر ءَ وتی پاکستانی ھمکار ناصر الملک ءِ نام ءَ یک نمدی یے تہ ءَ دلی یکوئی ءِ درشان کت۔ برطانوی مزن وزیر ءَ گوشت کہ برطانوی اُلس ءُُ حکومت ءَ را جمہوری کار ءِ سر ءَ ناشرکاری اُرش ءِ تہءَ آماچ بوھگ ءِ پد سک باز ڈکھ بوتگ، ما ناشرکاری ءِ تہ ءَ بیران بوتگیں مردم آنی سیاد ءُُ وارسانی گم ءِ تہ ءَ ھوار آں۔ آئی ءَ گوشت کہ جمہوری کد ءُُ بالاد ءَ را بُرز ءُُ بالا کنگ ناشرکاری ھوپ ءِ ھلاپ ءَ مئے مھکمیں جزم ءِ درشان اِنت۔
