اسلام آباد ۔ 18 جولائی (اے پی پی)اسلام آباد ہائیکورٹ ءَ پاکستان تحریک انصاف ءِ چیئرمین عمران خانءِ نیمگا چہ ڈنی فنڈنگ کیس ءِ ھوالہ گوں الیکشن کمیشن آف پاکستان ءِ پیسلہ ءِ ھلاپ جم دزبندی ءِ سرا پیسلہ رکھ اتگ۔چار شمبے ءَ عدالت عالیہ ءِ جج جسٹس محسن اختر کیانی ءِ سرا ھوار سنگل بینچ ءَ الیکشن کمیشن آف پاکستان ءِ 12مارچ ءِ پیسلہ ءِ ھلاپ ءَ جم کتگیں دزبندی ءِ سراگوشداری کتگ۔اے ساعت ءَ پی ٹی آئی ءِ چیئرمین عمران خان ءِ وکیل بابر اعوان پیش بوتگ ات۔گوشداری ءِ ساعت ءَ پی ٹی آئیءِ پیسریگیں راھشون اکبر ایس بابر ءِ وکیل احمد حسن شاہ ءَ وتی دلیل ءَ گوشت کہ اکبر ایس بابر ءَ را گل ءَ چہ درکنگ ءِ ھوالہ ءَ ستمبر2011ءِ لیٹر دیما نہ اتکگ ءُُ لیٹر ءِ اصلی بوھگ ءِ ھوالہ ءَ ھم ہچ ثبوت نیست ات۔اکبر ایس بابرءِ وکیل ءَ گوشت کہ پی ٹی آئی گلے فنڈنگ ءِ ہچ تفصیل حنیف عباسی کیس ءِ تہ پیسر ءَ پیش کنگ بوتگ ات۔گوشداری ءِ ساعت ءَ الیکشن کمیشن آف پاکستان ءِ وکیل ءَ موقف داتگ کہ کانود ءِ ردا سکروٹنی ءِ کار برجاہ انت31 جولائی ءَ مسلم لیگ ءُُ پیپلز پارٹیءِ ھلاپ ءَ دزبندی ءِ سرا ھم گوشداری ات۔عدالتءَ فریقانی دلیل سرجم بوھگ ءَ پیسلہ رکھ اتگ۔
