پاکستان نا کنڈآن انکوائری کمیشن ناآزاد و مقبوضہ کشمیر نا دورہ ستاکڑزک
اسلام آباد ۔ 18 جولائی (اے پی پی) پاکستان مقبوضہ کشمیر اٹی بھارت نا کنڈآن انسانی حق انا سنگین خلاف ورزی تا بارواٹ اقوام متحدہ نا رپورٹ ءِ مسترد کننگ آمایوسی نا درشانی ءِ کرسا پارینے کہ اوانکوائری کمیشن ناآزاد جموں کشمیر ومقبوضہ کشمیر نادورہ ناستاءِ کیک ۔ چارشنبے نادے دفتر خارجہ ناترجمان ڈاکٹر محمد فیصل اقوام متحدہ نارپورٹ آبھارت ناموقف نا رد عمل اٹ ترجمان پارے کہ بھارت نا کنڈآن رپورٹ ناجاچ ءِ ہلنگ آن بیدس مسترد کننگ آ اودے بھاز مایوسی مسنے ۔ اوپارے کہ بھارت او ایچ سی ایچ آر نا کنڈآن مقبوضہ کشمیر اٹی انسانی حق انا سنگین خلاف ورزی تا بابت ظاہر کروک آ گڑتی تا ازالہ کننگ اٹ بے سہب مسنے ۔ اوپارے کہ انسانی حق انا بابت ہائی کمشنر نادفتر ہائی کمشنر وظفر بنگش نا ہررابطہ نا قطعی وڑاٹ تردید ءِ کرینے ۔ترجمان پارے کہ رپورٹ اٹی بھارتی پارلیمنٹ، بھارتی سپریم کورٹ وانڈین ایم ای اے تون اوار سرکاری بھارتی ذرائع نا حوالہ ءِ تننگانے و کمیشن ءِ مقبوضہ جموں کشمیر اٹی انسانی حق انا خلاف ورزی تیان چکار ءِ اسہ کنڈ کننگ نا بھارت نا پدریسہ کوشست آتیا گڑتی ءِ و داصفا وڑاٹ پاننگانے کہ داکشمیر رپورٹ کشمیر نا لکھ آ الس نا انسانی حق انا بابت ءِ ۔
