اسلام آباد ۔ 18 جولائی (اے پی پی) سی پیک ڈٹ انا رداٹ 8.2ارب ڈالر مالیت آن ریلوے نا مین لین ایم ایل ون نااپ گریڈیشن نا ڈٹ ہندا مالی سال اٹی بناکیک ، بنجائی حکومت نا کنڈآن سی پیک نارداٹ ریلوے نا مین لین ایم ایل ون نااپ گریڈیشن آن دااسٹریٹیجک ڈٹ آ زوت کاریم ءِ پورو کرسا پاکستان ریلوے ءِ پوسکن آ وڑوڈول آتیا کننگ مریک ۔ بنجائی حکومت ریلوے نا بشخ ءِ ہندا مالی سال نا بجٹ اٹی خصوصی اہمیت تننگ ءِ تانکہ دانا پوروی آن ملک انا اقتصادی ومعاشی شونداری و شونہالی نا ہدف آتیٹی کمک دوئی کننگ مرے ،چین پاکستان اقتصادی راہداری ڈٹ انا رداٹ ریلویز صوبہ پنجاب اٹی 30 درسد، صوبہ سندھ اٹی 18 درسد ،بلوچستان اٹی 36 درسد ،خیبر بختونخوا ٹی 9 درسد ، گلگت بلتستان اٹی 6 درسد و فاٹا ٹی 1 درسد پوسکن ءُ ریلوے ٹریک شاغنگک ،ہرافیتا 3 ارب 69 کروڑ ڈالر خڑچ بریک ۔ پلاننگ کمیشن نا دستاویز آتارداٹ سی پیک ڈٹ آتا رداٹ اسہ ہزار 59 کلومیٹر حویلیاںآن کاشی نیو ریلوے ٹریک ،پشاور آن طورخم اسکان پوسکن ءُ ریلوے لین نا جوڑ جاڑ ، حویلیاں ڈرائی پورٹ،کراچی آن کوٹھری ڈبل لین نا جوڑ جاڑ ،16 سد کلومیٹر کراچی آن پشاور ترند رفتار ریلوے لین ڈٹ ،کوئٹہ ۔560 کلومیٹر ژوب،کوٹلہ جام پوسکن آ ریلوے لین نا جوڑ جاڑ ،633 کلومیٹر کوئٹہ ۔تفتان لین نا اپ گریڈیشن ،1328 کلومیٹر گوادر۔ جیکب آباد اسکان پوسکن آ ریلوے لین تون اوار اوار ءِ ۔
