اسلام آباد ۔ 17 جولائی (اے پی پی) سرپانک وزیر ءِ اھوالکاری ءُُ شنگ کاری ءُُ ھاٹیگ سیدّ علی ظفر ءَ گوشت کہ ’’قابل ءِ تجدید‘‘ ھاٹیگ ءِ فورم ءَ چہ ساپیں ءُُ گرین انرجی ءِ دستیابی ءَ چہ نپ ءُُ سیت در جنگ ءِ ھاترا پاکستان ءِ کوشست آنی دلبڈی رسیت۔ اے ھیالانی درشانی آئی ءَ سئے شمبے ءَ ادا پاکستان ءُُ جرمنی ءِ نیما ءَ پاک۔ جرمن ’’قابل ءِ تجدید‘‘ فورم ءِ برجائی ءِ واستہ یاتگیری آنی سر ءَ دست چنگل ءِ مراگش ءَ گشتانک دیان ءَ کت۔ مراگش ءَ جرمنی ءِ سفیر مارٹن کوبلر ءُُ پاور سیکرٹری پاور ڈویژن رضوان میمن ءَ ھم بھر زوری کت۔ سید علی ظفر ءَ گوشت کہ اے فورم لائک ءِ مٹ ءُُ بدلی، ھاٹیگ ءِ جاور ھال آنی گہترکنگ، سبزکرائبر آں تاں رسائی ءَ را گیش کنگ ءُُ پاکستان ءُُ جرمنی ءَ کمک ءَ را دیمروئی دیگءِ سبب جوڑ بیت۔ آئی ءَ گوشت کہ پاکستان ءُُ سرجمیں دگنیا ءَ اے شوبگ آنی تہ ءَ بوھوکیں دیمروئی ءُُ دست رسیں سبزکرائبر آنی واستہ مھکمیں ، ساپیں، سستائیں ءُُ گہتریں ھاٹیگ ءِ آسراتی ءَ را دل یکمی کنگ ءَ کمکار سہرا بنت۔ آئی ءَ گوشت کہ آ ساپ، سستا ءُُ ’’قابل ءِ تجدید‘‘ ھاٹیگ ءِ آسراتی ءَ چہ سیت چست کنگ ءِ واستہ ھمک رنگ ءِ گامگیج چست کن آں۔ اے موہ ءِ سرءَ جرمنی ءِ سفیر ءَ ’’قابل ءِ تجدید‘‘ ھاٹیگ ءِ فورم ءِ برجائی ءِ ھاترا سیادی داروکیں وزارت ءُُ محکمہ آنی گامگیج آناں ساڑات۔ آئی ءَ گوشت کہ پاکستان ءَ ھاسیں رنگ ءَ روچ ءَ چہ دزگیر کتگیں ھاٹیگ، کسانیں پن توان منصوبگ، گوات، باؤماس ءُُ ایندگر رسانک در آں چہ ’’قابل ءِ تجدید‘‘ ھاٹیگ ءِ دزگیر کنگ ءِ دراجیں موہ ساڑی اَنت ایشاں چہ سیت چست کنگ بوت کنت۔
