اسلام آباد ۔ 17 جولائی (اے پی پی) فریضہ حج ءِ ادائیگی ءِ ھاترا سرکاری سکیم ءِ تہ 5454 عازمین حجاز مقدسءَ سر بوتگ انت۔ براہ راست مدینہ منورہ ءَ سر بیوکیں عازمین 8روچ نندگ ءِ پد ءَ مکہ مکرمہ ءَ روان کنگ بیت۔ وزارت مذہبی امورءِ زریعہ ءِ ردا حج فلائیٹ آپریشن ءِ تہ قومی ایئر لائن پی آئی اے، سعودی ایئر لائن ءُُ ایئر بلیو بہر زورگ انت۔ ملک ءِ 9 شہراں اسلام آباد، لاہور، کراچی، کوئٹہ، پشاور، سکھر، ملتان، سیالکوٹ، فیصل آباد ءُُ رحیم یار خان چہ عازمین حج ءَ را حجاز مقدسءَ را سر کنگ ءِ ھاترا فلائیٹ آپریشن برجاھ انت۔وسیلگ ءِ گوشگ ءِ ردا تنیگہ حجاز مقدس روان بوتگیں لہتیں پرواز ءَ را براہ راست جدہ ءَ روان کنگ بوتگ اُودا چہ عازمین عمرہ ادا کنگ ءِ پد ءَ مدینہ منورہ ءَ روان کنگ بنت۔ مدینہ منورہ ءِ تہ عازمین ءَ را نندگ ءُُ ورگ ءِ ھاترا شریں بند ءُُ بوج کنگ بوتگ انت۔ایشی ءِ ردا آہاں را تھری،فور ءُُ فائیو اسٹار ہوٹلءَ دارگ بیت اُودا 13کیٹرنگ کمپنیانی وسیلگ ءَ سئے وھد گہتریں نان پھجارگ بیت۔ایشی ابید مدینہ منورہ تہ عازمین ءَ را جنت البقیع، مسجد قباء، مسجد قبلتین، مسجد جمعہ ءُُ شہدائے احد ءِ زیارات ھم کنائینگ بنت۔ مدینہ منورہ ءِ تہ عازمین حج ہزمت ءِ ھاترءَ سیزنل سٹاف ءِ ھوار 61افسرءَ دگہ کارندھ تعینات کنگ بوتگ انت وھدیکہ ھندی راھ ءُُ زبان چہ سرپدی داروکیں 150ءَ چہ ھندی کمکار ھم لہتیں شوبگ ءَ وتی ہزمت ءَ ادا کنگ انت۔
