اسلام آباد۔16 جولائی (اے پی پی) صدر مملکت ممنون حسین ءَ اے امیت ءِ درشان کت کہ پاکستان ءُُ ایران سیم سر ءَ آدیم گر ءُُ چیل ءَ را گر ءُُ داری ءِ جھد ءَ را جاڑی دار ایت ءُُ دوئیں ملک آنی ٹوھیں تک ءِ ڈل ءِ تر ءُُ ت تاب ءَ چہ پاکستان ءُُ ایران ءِ نیام ءَ دیمپانی یکوئی ءِ تہ ءَ گیش گہتری کئیت۔ صدر ءِ ممنون حسین ءَ اے گپ ایرانی سلاھ بندیں اُرد ءِ چیف آف جنرل اسٹاف میجر جنرل محمد حسین باقری ءَ گوں گند ءُُ نند ءِ ساھت ءَ کت آئی ءَ دو شمبے ءِ روچ ءَ ایوان ءِ صدر ءَ آئی ءَ گوں گند ءُُ نند کت۔ ایوان ءِ صدر ءِ نیمگ ءَ چہ جاڑی بوتگیں بیان ءِ رد ءَ صدر مملکت ءَ گوشت کہ پاکستان ءُُ ایران ءِ مھکمیں ءُُ وت مہ وتی براتیں یکوئی ءُُ یکیم، دود ءُُ ربیدگ ءُُ راجدپتر ءِ سر ءَ اَنت۔ آئی ءَ گوشت کہ گوستگیں سال ءَ ایرانی صدر ءِ پاکستان ءِ تر ءُُ تاب ءُُ پاکستان ءُُ پاکستانی سلاھ بندیں اُرد ءِ سروک آنی ایران ءِ تر ءُُ تاب ءَ چہ دوئیں براتیں مملک آنی وت مہ وتی یکوئی ءِ تہ ءَ یک نوکیں دور ءُُ باریگے ءِ بنگیج بیت۔ آئی ءَ گوشت کہ گوادر پورٹ ءِ منصوبگ ءِ مول ءُُ مراد پڑ ءِ جتا جتائیں ملک آنی نیام ءَ رسانکی رابطہ آناں گیش کنگ اِنت ءُُ اے منصوبگ سرجمیں پڑ ءِ ھاترا نپ ءُُ سیت ایگ سہرا بیت۔ صدر ءِ ممنون حسین ءَ گوشت کہ ایمنیں ءُُ برجمیں اوگانستان پڑ ءِ گہتریں سیت ءِ ھاترا اِنت ءُُ پاکستان اوگانستان ءَ اوگان سروکی ءُُ اُلس ءِ مرزی ءِ رد ءَ ایمنی ءُُ برجائی ءِ ھاترا ھمبراھ داری کنت۔ آئی ءَ گوشت کہ ھمساگیں ملک ءِ بستار ءَ پاکستان ءُُ ایران اوگانستان ءَ مھکمیں ایمنی ءِ واھشت ایگ اَنت ۔ آئی ءَ گیش تران کت کہ پڑ ءَ ایمنی ءُُ دیمروئی ءِ واستہ پاکستان ایران ءِ گوما کمک ءَ گیش گہتری ءِ واھشت مند اَنت۔
