اسلام آباد۔ 16 جولائی (اے پی پی) سرپانک مزن وزیر جسٹس (ر) ناصر الملک ءَ را اوگان صدر اشرف غنی ءَ دو شمبے ءَ ٹیلی فون کت ایشی ءِ تہ ءَ بلوچستان ءُُ خیبر پختونخوا ءَ گچین کاری ریلی ءِ سر ءَ ناشرکاری اُرش ءِ تہ ءَ گران بھائیں بنی آدمی جانی تاوان بار ءِ پد ءَ گرانیں ڈکھ ءُُ اندوھ ءِ درشان کت ۔ مزن وزیر کارگس ءِ نیمگ ءَ چہ جاڑی بوتگیں بیان ءِ رد ءَ اوگان صدر ءَ گوں تران کنان ءَ سرپانک مزن وزیر جسٹس (ر) ناصر الملک ءَ گوشت کہ ناشرکاری اُرش دژمن آنی نیمگ ءَ چہ جمہوری کار ءَ را لگت مال کنگ ءُُ ملک ءَ جمہوری کار ءَ را لگت مالی ءِ بزدلیں کوشست ءِ بوتگ۔ آئی ءَ گوشت کہ سرپانک حکومت گچین کاری ءَ را وھد ءُُ موہ ءِ سر ءَ برجائی ءِ واستہ جزمیگ اِنت۔ آئی ءَ گوشت کہ ناشرکار آنی لگوریں کاروائی ءَ چہ مئے جزم ھمزور بوت کت نہ کن اَنت۔ دوئیں سروک آں پڑ ءِ ایمنی ءُُ سلامتی ءِ واستہ ءُُ یکجائی ءَ دژمن آنان شکست دیگ ءِ واستہ کار کنگ ءِ سر ءَ تپاک کت۔
