کوئٹہ ۔16جولائی (اے پی پی)پاکستان پیپلزپارٹیءِ چیئرمین بلاول بھٹو زرداریءَ مروچی دوشمبےءَ ادا کوئٹہ ءَ احوالکاری مچی ءَ گوں تران کنان ءَ گوشت کہ شہبازشریفءُْ عمران خانءَ گوں نظریاتی حلاپ دار اَنت۔بلاول بھٹوزرداری ساراوان ہاؤس ءَ سر بوتگ کہ اودا آئی ءَ وت کش تراک ءَ شہید بوتگیں سراج رئیسانی ءِ شہادت ءِ سرا لوگ مردماں گوں دلپدردی درشان کتگ۔کوئٹہءَ پریس کانفرنس کنان ءَ بلاول بھٹو زرداری ءِ گشگ ات کہ پیپلزپارٹی ءِ تاریخ اَنت مشکلاں گوں مقابلہ کنت۔ بلوچستان ءِ مہلوک ناشرکاری ءِ آماچ انت۔ بندش جتگیں گلاں الیکشن ءَ بہر زورگ ءِ اجازت دیگ آئین ءِ کم شرپی انت۔ پیپلزپارٹی ءَ ہر وھد ءَ پد منتگیں ھندانی سرا دلگوشی داتگ۔ آسردوستی ءُْ ناشرکاری سرجمیں ملک ءِ جیڑہ اِنت۔ پیپلزپارٹی ءِ منشور ءَ غریبانی حاترا بازیں پروگرام است اَنت۔آئی ءَ گشتگ کہ لس گچینکاریاں پد اگاں پیپلزپارٹی ءَ کجام ہم گل ءِ ہمرائی ءَ اتحاد کنگ کپتگ گڈا چاراِنت کہ کجام پارٹی مئے منشور ءِ سرا عملدرآمد کنائینت کنت۔بلاول بھٹو ءَ دزبندی کتگ ءُْ گشتگ کہ مہلوک 25جولائی ءَ پاکستان پیپلزپارٹی ءَ سوبمندی کنائینگ بیت۔ پاکستان ءِ مہلوک ناشرکاری ءَ ووٹ ءِ طاقت ءَ گوں پروش دات کت کن اَنت۔چیئرمین پیپلزپارٹیءَ گشتگ کہ اوگانستان ءُْ عراق ءَ الیکشن بوت کن اَنت گڈا پاکستان ءَ ہم بوت کن اَنت۔
