اسلام آباد ۔16 جولائی(اے پی پی)چیئرمین سینیٹ محمد صادق سنجرانی عوامی نیشنل پارٹی ناراہشون و مسکوہی سینیٹر داؤد خان اچکزئی ایڈووکیٹ آ کوئٹہ ٹی مروک آ سم کاری نا سخت انگا لوز آتیٹی مذمت ءِ کرسا داواقعہ نا زموار آتے زوت آن زوت اوفتے اوفتا کروک نا سزا تننگ نا پارت کرینے ۔ چیئرمین سینیٹ مسکوہی سینیٹر داؤد خان اچکزئی تون ٹیلی فون آ رابطہ کرسا اونا طبیعت نا ہریفے و اونا زوت جان جوڑی کن دعا ہم کرے ۔ دوشنبے نادے جاری بیان نارداٹ چیئرمین سینیٹ پارے کہ دہشت گرد آک وامن واک آک تینا ہندا مسخت آتے ٹی وخت اس ہم سرسہب مفسہ جمہوری عمل ءِ ہچ ءُ حالیت اسے ٹی لتاڑکننگ کن ہلنگ پننگک ۔ چیئرمین سینیٹ داؤد خان اچکزئی ءِ گچین طبی آسراتی فراوان کننگ نا پارت ہم کرے ۔

متعلقہ مضامینمصنف کی طرف سے مزید