اسلام آباد ۔ 16 جولائی (اے پی پی) بنجائی حکومت گوادر اٹی سمارٹ پورٹ سٹی نا جوڑ کننگ کن ترندی اٹ گام گیج کننگ ءِ ،سمارٹ پورٹ سٹی نا جوڑ کننگ اٹ روزگار نا بھلو وارخواہی اس ودی مریک وخت اس کہ ہندی صنعت ہم شون ہلیک ، دا ڈٹ چین پاکستان اقتصادی راہداری ڈٹ انا بشخ اسے ہرادے مسہ سال انا وخت اٹی پورو کننگک ، سمارٹ پورٹ سٹی کن حکومت ڈغار دوئی کرینے ۔پلاننگ کمیشن نا ذرائع نا رداٹ چین پاکستان اقتصادی راہداری ڈٹ آن ملک اٹی شونداری و شونہالی نا اسہ پوسکن ءُ دوراس بناکیک ۔ راجی وانسانی شونداری نا ڈ ٹ آک ، دیر،توانائی و خور انا بشخ آتیٹی زرکاری آن الس نا زند اٹی گچینی بریک ۔ ہندا ڈٹ انا رداٹ گوادر اٹی سمارٹ پورٹ سٹی نا جوڑ کننگ ءِ عمل اٹ اتنگک ہراڑکن گوادر پورٹ اتھارٹی 2282 ایکڑز ڈغار چندی ادارہ و نجی بشخ آتیان دوئی کرینے ۔دافری اکنامک زون اس مریک ہراٹی ہندی صنعت ترندی اٹ شون ہلیک و روزگار نا بھلو وارخواہی اس ودی مریک داڈٹ اٹی ملک و خاص کر بلوچستان ءِ غٹ آن زیات فائدہ مریک ۔ دافری زون ملک اٹی زرکاری اتنگ نا سوب جوڑ مریک ۔ داڈٹ آن گوادر واپار و اقتصادی سرجزآتا بنجا جوڑ مریک ۔ چین پاکستان اقتصادی راہداری بیرہ اسہ روڈ اس جوڑ کننگ نا ڈٹ اف بلکن داٹی توانائی، انفراسٹرکچر، اقتصادی زون و گوادر نا شونداری اوار ءِ ۔
