اسلام آباد ۔ 16 جولائی (اے پی پی) پاکستان مسلم لیگ (ن) ناسینئر راہشون وسینیٹر پرویز رشید پارینے کہ ہرابنداو آآصف زرداری وفریال تالپور ءِ گچین کاری تیٹی بشخ ہلنگ نا موکل تننگانے ہمو بنداو آ نواز شریف، مریم نواز ،کیپٹن (ر) محمد صفدر وقمر الاسلام ءِ ہم گچین کاری مہم چلیفنگ نا موکل تننگے ۔دوشنبے نادے اسلام آباد ہائی کورٹ اٹی محمد نوازشریف ، مریم نواز اور کیپٹن (ر) محمد صفدر نا کنڈآن اپیل دائر کننگ نا وخت آ صحافی تتون ہیت وگپ کرسا اوپارے کہ نن کانودی و آئینی حق ءِ کاریم اٹ اتسا عدالت آن خواست کینہ کہ اوفتاسزا ءِ چٹفنگے و ہر مسٹ ءِ موکل تننگے کہ او جیل آن پیشن پیش تمسا تینا زند ءِ ہڑدے آمبار گدریفنگ کیر ۔ اوپارے کہ ننے یخین ءِ کہ فیصلہ ننا حق اٹی بریک انتئے کہ کانود دان و مسکوہی چیف جسٹس آک فیصلہ ءِ نزور گوندانو۔
