اسلام آباد ۔16 جولائی(اے پی پی)چیئرمین سینیٹ محمد صادق سنجرانیءَ عوامی نیشنل پارٹی ءِ راھشون ءُُ پیسریگیں سینیٹر داؤد خان اچکزئی ایڈووکیٹ ءِ سرا کوئٹہ ءَ بوتگیں تیرکاری واکیہ ءِ ترندیں لبزءَ ایر اد گپتگ ءُُ گوشت کہ اے واکیہ ءِ ذمہ وارانی ھلاپ زوت کارروائی کنگ بیت۔چیئرمین سینیٹ ءَ پیسریگیں سینیٹر داؤد خان اچکزئی ءِ گوما ٹیلی فون ءِ سرا رھوت کت ءُُ آہانی حالپرسی کتگ ءُُ آہانی زوت جان دراہی ءِ ھاترا دعا ھم کتگ۔دوشمبے ءَ جاڑی بیان ءِ ردا چیئرمین سینیٹ ءَ گوشت کہ ناشرکار ءُُ امن دژمن تاکت وتی لگوریں مکسد ءَ کدی ھم سوبمند بوت نہ کن انت۔ جمہوری عملءَ را کجام ھم دروشم ءَ ھلاس کنگ ءِ اجازت نہ دیئگ بیت۔ چیئرمین سینیٹ ءَ داؤد خان اچکزئیءَ را گہتریں طبی آسراتی پھجارگ ءِ کڈنی داتگ۔
