اسلام آباد ۔ 16 جولائی (اے پی پی)بنجاہی حکومت گوادر ءَ سمارٹ پورٹ سٹی ءِ ہڈ دیگ ءِ ھاترا ترندی ءَ گوں گام گیج کنگ ات، سمارٹ پورٹ سٹی ءِ ہڈ ءِ آسر ءَ روزگار ءِ دراجیں موہ ودی بنت وھدیکہ ھندی صنعت ھم دیمروئی کن ایت۔اے منصوبگ چین پاکستان اقتصادی راہداری منصوبگ ءِ بہر انت ایشی ءَ را سئے سال ءِ وھد ءِ تہ سرجم کنگ بیت، سمارٹ پورٹ سٹیءِ ھاترا حکومت ءَ اراضی گپتگ ات۔پلاننگ کمیشن ءِ زریعہ ءِ ردا چین پاکستان اقتصادی راہداری منصوبگ چہ ملک ءِ تہ دیمروئی ءُُ وشھالی ءِ یک نوکیں دور ءِ بنگیجی بیت۔چاگردی ءُُ انسانی دیمروئی منصوبگ،آپ ،توانائیءُُ وردن ءِ تک ءِ تہ زرکاری چہ اُلس ءِ زند ءَ گہتری کاایت۔اے منصوبگ ءِ ردا گوادر ءِ تہ سمارٹ پورٹ سٹی ءِ ہڈ دیگ بیت ایشی ءِ ھاترا گوادر پورٹ اتھارٹی ءَ 2282 ایکڑز زمین لہتیں ادارگ ءُُ جندی شوبگ ءَ چہ زراتگ۔اے فری اکنامک زون بیت ایشی ءِ آسر ءَ ھندی صنعت دیمروئی کن ایت ءُُ روزگار ءِ باز موہ ودی بنت۔اے منصوبگ ءِ آسر ءَ ملک ھاسکر بلوچستان ءَ را درستاں چہ گیش نپ ءُُ پائدگ بیت۔اے فری زون ملک ءِ تہ زرکاری کارایت۔اے منصوبگ چہ گوادر بیوپاری ءُُ اقتصادی کارانی بنجل جوڈ بیت۔ چین پاکستان اقتصادی راہداری ایوکا یک روڈ جوڈ کنگ ءِ منصوبگ نیست ات بلکہ ایشی ءِ تہ توانائی،انفراسٹرکچر،اقتصادی زونزءُُ گوادر ءِ دیمروئی ھوار انت۔
