کوئٹہ۔ 15 جولائی (اے پی پی) ادارکی مزن وزیر جسٹس (ر) ناصر الملک ءَ خیبرپختونخوا ءُُ بلوچستان ءِ تہ ناشرکاری ءِ انوگیں واکیہ ءِ سکیں ایراد گران ءَ پنت دات کہ گچینکاری امیتوارءُُ سیاسی روانک ءُُ کارنرمیٹنگزءِ تہ بہر زوروکیں مردمانی رکھگ ءَ سدکی جوڈ کنگ ءِ ھاترا دراھیں سیکیورٹی گامگیج ءَ ترند کنگ بیت۔مزن وزیر ءَ سلامتی ءِ ہمگرنچ گامگیجءِ باروا سیادی راھشون ءَ گوں شؤرءُُ صلہ ءُُ کجام ھم ناوشیں واکیہ دیما آھگ ءَ چہ رکھگ ءِ ھاترا آہانی کمک زورگ ءِ سرا زور مان کتگ۔یک شمبے ءَ مزن وزیر جسٹس (ر) ناصر الملک ءِ سروکی ءَ گورنر ہاؤس کوئٹہ ءِ تہ امن ءُُ ایمنی ءِ جاورھال ءِ جائزگ گرگ ءِ ھاترا دیوان برجم بوتگ۔دیوان ءِ تہ گورنر بلوچستان محمد خان اچکزئی، وزیر اعلیٰ بلوچستان علاؤالدین مری، وزیر داخلہ بلوچستان آغاز عمر بنگلزئی، سیکرٹری داخلہ یوسف نسیم کھوکھر، کمانڈر سدرن کمانڈ لیفٹیننٹ جنرل عاصم سلیم باجوہ، چیف سیکرٹری بلوچستان ڈاکٹر اختر نذیر، سیکرٹری داخلہ بلوچستان حیدر علی کھوکھر، آئی جی ایف سی بلوچستان نارتھ میجر جنرل ندیم انجم، آئی جی ایف سی بلوچستان ساؤتھ میجر جنرل سردار طارق امان، انسپکٹر جنرل پولیس بلوچستان محسن حسن بٹ ءُُ دگہ ٹوھیں سول ءُُ فوجی واکدار ءَ بہر زوراتگ۔دیوان ءِ ساعت ءَ صوبہ ءَ امن ءُُ ایمنی ءِ جاورھال ھاسکر مستونگ وئیل ءِ باروا چار ءُُ ٹپاس کتگ۔چیف سیکرٹری بلوچستان ءَ مستونگ تراک ءِ باروا دیوان ءِ شریدار ءَ را سرپدی داتگ۔ چیف سیکرٹری بلوچستانءَ صوبہ ءِ تہ لس گچینکاری ءِ پر امنیں ءُُ شریں وڈ ءَ برجم داری ءِ ھاترا کتگیں گامگیجانی باروا دیوان ءَ را سرپدکتگ۔مزن وزیر جسٹس (ر) ناصر الملک ءَ خیبرپختونخوا ءُُ بلوچستانءِ تہ ناشرکاری ءِ انوگیں واکیہ ءِ ایراد گران ءَ کڈنی دات کہ گچینکاری امیتواران ءُُ سیاسی روانک ءُُ کارنر میٹنگز ءِ تہ بہر زوروکیں مردمانی دیمپانی ءَ سدکی جوڈ کنگ ءِ ھاترا دراھیں سیکیورٹی گام چست کنگ بنت۔مزن وزیر ءَ سلامتی ءِ باروا گامگیج سیاسی راھشون ءِ گوما شؤر ءُُ صلہ ءُُ کجام ھم ناوشیں واکیہ دیما آھگ ءَ چہ رکھگ ءِ ھاترا ایشانی کمک زورگ ءِ سرا زور مان کت۔مزن وزیر ءَ گوشت کہ دراھیں اسٹیک ہولڈرز ءِ شؤر ءُُ صلہ ءُُ کمک ءَ گوں اُلسی شعور پدر کنگ ءِ ھاترا زور جنز بناء کنگ بیت تنکہ لس مردمانی سیکیورٹی ءِ باروا (ایس او پیز) ءِ ھوالہ معلومداری رسیت۔مزن وزیر ءَ مستونگ وئیل ءِ پدا ٹپیگ ءَ را دپ پہ ساعت ءَ کمک پھجارگ ءُُ آہاں را کراچی ءَ دیم دیئگ ءِ ھوالہ سلہ بندیں اُردو ءُُ سول واکدارانی جہد ءِ ستا کتگ ایشانی آسر ءَ لہتیں گراں بہائیں جان بچتگ انت۔ایشی ءَ چہ پیسر ءَ مزن وزیر ءَ ساراوان ہاؤس کوئٹہ ءِ تروتاب کتگ ءُُ شہید سراج رئیسانیءِ ملوریں ھاندان ءِ گوما دلپدردی کتگ ہمہ کہ 13جولائی 2018ءَ مستونگ ءَ بمب تراک ءَ شہید بوتگ ات۔ مزن وزیر ءَ سی ایم ایچ کوئٹہ ءِ ھم تروتاب کت ءُُ اے واکیہ ءَ ٹپی بوتگیں مردمانی حالپرسی کتگ ءُُ آہانی زوت جان دراھی ءِ ھاترا دعا ھم کتگ۔ چیئرمین سینٹ محمد صادق سنجرانی، وزیراعلیٰ بلوچستان علاؤ الدین مری ءُُ بنجاہی وزیر روشن خورشید بروچہ ھم مزن وزیر ءِ ھمبراھ ات۔مزن وزیر ءَ گورنر بلوچستان محمد خان اچکزئی ءُُ وزیر اعلیٰ بلوچستان علاؤ الدین مری ءِ گوما ھم گورنر ہاوس ءِ تہ گندءُُ نند کتگ۔
