اسلام آباد ۔ 15 جولائی (اے پی پی) الیکشن کمیشن آف پاکستان ءَ گوشت کہ لس گچینکاری ءِ تہ حساس پولنگ جاء ءَ سی سی ٹی وی کیمرہ جنئگ بنت۔الیکشن کمیشن ءِ ربالکار ندیم قاسمءَ جندی ٹی وی ءِ گوما گپ ءُُ تران کنان ءَ گوشت کہ الیکشن کمیشن لس گچینکاری ءِ آزاتیں ،ساپ ءُُ پلگاریں برجم داری ءِ ھاترا جزم دار انت ءُُ اے مکسد ءِ ھاترا دراھیں تیاری سرجم کنگ بوتگ انت۔آہاں گوشت کہ لس گچینکاری ءِ درگت ءَ پولنگ سٹیشن ءِ تہ ءُُ ڈن ءَ 3لکھ70ہزارفوجی آنی تعیناتی کنگ بیت ، 17ہزار پولنگ سٹیشنءَ را حساس قراردیگ بوتگ۔اُودا سی سی ٹی وی کیمرے نصب کنگ بنت۔یک جست ءِ پسو ءَ آہاں گوشت کہ گچینکاری ءِ جائزگ ءِ ھاترا درملکی گچینکاری نماھندگ ھم آھگ انت۔آہاں گوشت کہ الیکشن کمیشن میڈیا ءُُ دگہ ادارگ ءَ را ایکریڈیٹیشنءِ آسراتی ھم دیئگ انت۔
