اسلام آباد ۔14 جولائی(اے پی پی)راجی ایئر لائنءَ حج آپریشن ءِ باقاعدہ بنگیجی کتگ۔سرکاری سکیم ءِ ردا سوبمند بوتگیں 327 عازمین حجءَ را پرواز پی کے7003 اسلام آباد چہ زورتگ مدینہ منورہ ءَ روان بوتگ۔ وزارت مذہبی امورءِ واکدارءِ گوشگ ءِ ردا راجی ایئر لائن ’’پی آئی اے‘‘ ءَ باقاعدہ حج آپریشن ءِ بنگیجی کتگ،اولی پروازجناح میاں اوستمانی بالی پٹ کراچی ءَ چہ پی کے7001 ،300ءَ چہ گیش عازمین حج ءَ را زورت مدینہ منورہ ءِ ھاترا روان بوتگ وھدیکہ پی آئی اے ءِ دومی حج پرواز پی کے7003 اسلام آباد چہ 327 عازمین حج ءَ را زورت مدینہ منورہ ءِ ھاترا روان بوتگ ۔ پروازءَ چہ پیسر ءَ عازمین حج ءَ را مناسک حج ءُُ سعودی کانود ءِ باروا سرپدی دیئگ بوتگ۔اے ساعت ءَ سعودی عرب ءِ سفارتجاھءِ ڈپٹی ہیڈ مشن حبیب اللہ بخاریءَ گوشت کہ سعودی حکومت عازمین حج ءِ ھاترا گہتریں ہزمت پھجارگ ات ،امبریگیں سال ءَ ھم گہتریں آسراتی پھجارگ ءِ ھاترا کوشست کنیں۔آہاں گوشت کہ مقدس دمگ ءَ روکیں پاکستانی عازمین حج ءَ را مرادبات پیش کنگ اوں۔
