اسلام آباد ۔ 14 جولائی (اے پی پی) اسلام آباد چیمبر آف کامرس اینڈ انڈسٹری ءِ صدر شیخ عامر وحیدءَ بلوچستان ءِ دمگ مستونگ ءِ تہ بوتگیں ناشرکاری ءِ سکیں ایراد گپتگ۔اے ویل ءِ تہ بلوچستان ءِ نامداریں سیاسی مردم سراج رئیسانی ءِ ھوار 128مردم شہید بوتگ انت ءُُ لہتیں ٹپی بوتگ انت۔وتی یک بیان ءِ تہ آہاں ملوریں ھاندان ءَ گوں دلپدردی ءِ درشان کتگ ءُُ حکومت ءَ چہ لوٹ کت کہ آں ناشرکاری ءِ ھلاسی ءِ ھاترا گہتریں گام ءَ چست کنت۔آہاں گوشت کہ اے رنگیں واکیہ ءَ چہ ملک ءِ تہ زرکاری اثرمند بیت ءُُ معیشت ءَ را تاوان پج ایت۔ شیخ عامر وحید ءَ گوشت کہ پاکستانی فوج ءِ ھوار دراھیں اسٹیک ہولڈرز ءِ جہد ءَ گوں ملک ءَ چہ ناشرکاری ءِ جیڈھ ءِ سرا گرودار کتگ ات بلے گوستگیں روچ ءَ پشاور ءِ تہ وت کُش اُرش ءَ اے این پی ءِ راھشون ہارون بلور ءِ ھوار 22مردم شہید بوتگ ات وھدیکہ بنوں ءِ تہ ناشرکاری ءِ وئیل ءِ تہ چار مردم بیران بوتگ انت ،مارا اے ھوالہ ءَ انوں باز جہد کنگ ءِ ضلورت انت۔
