کوئٹہ ۔14جولائی (اے پی پی)ادارکی سروزیربلوچستان علاؤالدین مری ءَ مستونگءِ دمگ درینگڑھ ءَ میر سراج رئیسانی ء گچینکاری جنزءِِ سروت کُش اُرش ءِ سکیں لبزاں گوں ایراد گپتگ وھدیکہ آئی ءَ ڈپٹی کمشنر مستونگ ءَ چہ ویل ءِ ر پورٹ لوٹ اتگ۔بلوچستان ءِ سروزیرءَ تراک ءَ بوتگیں جانی تاوانانی سرا دلی رنج ءُْ اپسوز درشان کنان ءَ گشتگ کہ گچینکاری کاروان ءِ سرا ناشرکاری ءِ ویل گچینکاری کار ءُْ صوبہ ءِ پرایمنیں چاگرد ءَ ھراب کنگ ءِ ردیں پندل انت۔آئی ءَ گشتگ کہ ناشرکاری ءِ لگوریں کاروائی ءَ ھواریں مردمانی زوتیں وڈاں دزگیری ءَ سدکی جوڑ کنگ بہ بیت۔ تراک ءِ ٹپیاں درمان ءِ گہتریں آسراتی پجارینگ بہ بنت۔سروزیر ءَ تہی کارانی سیکریٹری ، آئی جی پولیس ءُْ قانود برجاہ کنوکیں درائیں ادارگاں سرجمیں صوبہ ءَ سیکیورٹی گامیگیجاں گیش ترند کنگ ءِ کڈنی دیگ بوتگ۔
