اسلام آباد ۔ 14 جولائی (اے پی پی) پاک بحریہ ناجہاز پی این ایس اصلت ناالجیریا نابندرگاہ الجائرز نادورہ ،الجائرز آسرمننگ آنیول بیس اناکمانڈروالجیریا ٹی پاکستانی سفارت خانہ ناسیکنڈ سیکرٹری جہازءِ بخیر کریر ۔ترجمان پاک بحریہ نا کنڈآن ہفتہ نادے جاری بیان نارداٹ پاک بحریہ ناجہاز اناالجائرزنابندرگاہ نااولیکو دورہ ءِ ۔ اوپارے کہ مشن کمانڈر الجیرین نیوی ناکمانڈر سنٹرل میری ٹائم ریجن وچیف آف آپریشن تون اوڑدہی کرے ۔اوڑدہی تیٹی تین پہ تین کمکاری نا چندی بشخ آتیا خیال آتا درشانی ءِ کننگا ۔ ترجمان پارے کہ پاک بحریہ نا ڈل الجیرین نیول اکیڈمی ناہم دورہ ءِ کرے ہراڑے اکیڈمی ناکمانڈنٹ اودے گرمجوشی اٹ بخیر کرے ۔الجیریا ناسول و عسکری راہشون ، سفیرآک ، پوریاگر برادری و ہندی آبادی پی این ایس اصلت نا دورہ ءِ کریر ۔ہڑتوم آ ملک آتا نیام اٹ آپریشنل تیاری تے گچین جوڑ کننگ و تین پہ تینی آزموندہ غاتیان فائدہ ہرفنگ کن اسیجائی بحری مشق ہم اڈتننگا ۔ترجمان پاک بحریہ پارے کہ دادورہ ہڑتوم آ ملک آتابحری فوج آتا نیام اٹ تعلقداری و دفاعی کمکاری ءِ ودفنگ اٹ کمکار جوڑ مریک ۔
