اسلام آباد ۔14 جولائی(اے پی پی)پاکستان اٹی آسٹریلیا ناہائی کمشنرمارگریٹ ایڈمسن خیبر پختونخواوبلوچستان اٹی گچین کاری اومیت دارآتیالغورانگا جلہو آتا ترندی اٹ مذمت ءِ کرینے وخت اس کہ داغٹ بندغ آک قومی گچین کاری تیٹی وونٹ بٹنگ نا تینا جمہوری حق ءِ کاریم اٹ اتنگ نا تیاری کریرہ ۔ اسلام آباد اٹی آسٹریلوی ہائی کمیشن نا کنڈآن جاری پریس ریلیز نارداٹ آسٹریلیا ناہائی کمشنرمارگریٹ ایڈمسن تینا کلہو اٹی غٹ زہمی غمزدہ خاہوت آتون دلی ہڑزخواہی نا درشانی ءِ کرینے و پارینے کہ آ سٹریلیا دہشت گردی نا مقابلہ ءِ کننگ اٹ پاکستان تون یک جہتی نادرشانی ءِ کیک ۔ پاکستان اٹی آسٹریلیا ناہائی کمشنرمارگیریٹ ایڈمسن پارینے کہ اومستونگ وخیبر پختونخوا ٹی گچین کاری ریلی تیا جلہو آتا ترندی اٹ مذمت ءِ کیک دا جلہو آتیٹی نہادی جان تا زیان آ اودے دلی صدمہ مسنے۔ او مستی پارے کہ آ سٹر یلیادہشت گردی نامقابلہ ءِ کننگ و پاکستان اٹی جمہوریت نارکھ و آزادانہ و منصفانہ گچین کاری تا اڈتننگ نا کوشست آتیٹی پاکستان تون یک جہتی نا درشانی ءِ کیک ۔