سیکرٹری جنرل ڈاکٹر یوسف اے العثمین نادہشتگردی نابرخلاف جنگ اٹی پاکستان تون یکجہتی نادرشان
اسلام آباد ۔14 جولائی(اے پی پی)اسلامی ملک آتیٹی کمکاری ناتنظیم(او آئی سی )ناجنرل سیکرٹری بلوچستان اٹی گچین کاری مہم نا ریلی آخود کش جلہو نا ترندی اٹ مذمت ءِ کرینے ۔ او آئی سی ناپریس ریلیز نارداٹ او آئی سی ناسیکرٹری جنرل ڈاکٹر یوسف اے العثمین دہشتگردی نابرخلاف جنگ اٹی پاکستان تون یکجہتی نادرشانی ءِ کرینے ۔ او تعلقدار کمامدارآتیا زورشاغانے کہ دابہیمانہ کارراوائی نا ڈٹ ساز آتے اوفتا کروک نا سزاتننگ اٹ ہروڑنا گام گیج کننگے ۔ اوحکومت پاکستان وزہمی خاہوت آتون دلی ہمدری و ہڑزخواہی نا درشانی ءِ کرے و ٹھپی مروک آ بندغ آتا جان جوڑی کن نیک است خواہی نا درشانی ءِ کرینے ۔اودہشتگردی وانتہا پسندی ( چائے ہراکہ دروشم اٹ مرے نابرخلاف او آئی سی نااصولی موقف نا اعادہ ہم کرے ۔
