اسلام آباد ۔ 14 جولائی (اے پی پی) اسلام آباد چیمبر آف کامرس اینڈ انڈسٹری ناصدر شیخ عامر وحیدبلوچستان نا علاقہ مستونگ اٹی مروک آ دہشت گردی نا ترندی اٹ مذمت ءِ کرے ہراٹی بلوچستان نا پنی سیاسی شخصیت میر سراج رئیسانی تون اوار کم و ود 128بندغ شہید مسر و بھاز انگا بندغ آک ٹھپی مسر۔اسلام آباد چیمبر آف کامرس اینڈ انڈسٹری ناصدر شیخ عامر وحید پدسلوک آتون ہڑزخواہی نا درشانی ءِ کرے و حکومت آن خواست کرے کہ او دہشت گردی نا چٹفنگ کن دمدستی اصلاحی گام گیج چست کے ورنہ دُن انگا واقعہ غاتیان ملک اٹی زرکاری زہمی مریک و معیشت ءِ نسخان رسینگک ۔
