اسلام آباد ۔14 جولائی(اے پی پی)جاپان دہشتگردی نا جلہو آتیان پد پاکستان نا الس و حکومت تون یکجہتی نا درشانی ءِ کرینے ودہشتگردی تون جنگ کننگ کن حکومت پاکستان نا کوشست آتا ستاءِ کرینے ۔ جاپان دہشتگردی نا جلہو آتا ترندی اٹ مذمت ءِ کیک ہراٹی 13جولائی آمستونگ صوبہ بلوچستان وخیبر پختونخوا ٹی سیاسی مچی ٹی جلہو آن چندی بندغ آک تپاخت و ٹھپی مسنو ۔ پاکستان اٹی جاپان نا سفارتخانہ ہفتہ نادے اسہ بیان اسے ٹی جاپان نا وزیر خارجہ تارو کونو نا بابت پارینے کہ جاپان دہشت گردی و اونا غٹ دروشم آتا ترندی اٹ مذمت ءِ کیک ۔ جاپان دہشتگردی نا جلہو اٹی زہمی مروک آ خاہوت آتون ہمدردی نا درشانی ءِ کرے و ٹھپی مروک آتا زوت جان جوڑی کن نیک است خواہی نا درشانی ءِ کرے ۔
