اسلام آباد ۔ 13 جولائی (اے پی پی) چیئرمین سینیٹ محمد صادق سنجرانی ءَ بنوںءِ تہ بوتگیں بمب تراک ءِ سکیں لبزاں ایر جنان ءَ گوشت کہ ناشرکاروتی ردیں مول ءَ کدی ھم سوبمند بوت کن انت۔ناشرکارملک ءِ دیمروئی ،وشھالی ءُُ جمہوریت ءَ ھلاس کنگ ءِ ھاترا جہد کنگ انت بلے دراھیں سیاسی گلءَ را جمہوریت ءِ بقاءُُ ملک ءِ دیمروئی ءِ ھاترا وتی صف ءَ یکوئی ءَ پیدا کنگ لوٹ ایت تنکہ اے وڈیں عناصر ءِ حوصلہ ءَ را پروش دیگ بہ بیت۔ناشرکار ملک ءِ تہ افراتفری تالان کنگ ءِ واھگدار انت۔ چیئرمین سینیٹ ءَ بنوں تراک ءِ آسر ءَ لہتیں مردمانی شہادت ءِ سرا جُہلانکیں ڈکھ ءُُ اپسوز ءِ درشان کنان ءَ بمب تراک ءَ شہید بوتگیں مردمانی ھاترا بکشش ءِ دعا کتگ۔ایشی ءِ ھوار ڈپٹی چیئرمین سینیٹ سینیٹر سلیم مانڈوی والا ، قائد ایوان سینیٹ سینیٹر راجہ محمد ظفر الحق ءُُ قائد حزب اختلاف سینیٹ سینیٹرشیری رحمانءَ ھم اپسوز ءِ درشان کنان ءَ گوشت کہ شہید بوتگیں مردمانی ھاترا بکشش ءِ دعا ءُُ ٹپیگ ءِ ھاترا جان دراہی ءِ ھاترا دعا کتگ۔
