اسلام آباد ۔ 13 جولائی (اے پی پی) ادارکی بنجاہی تہی وزیر محمد اعظم خان ءَ گوشت کہ لہتیں سیاسی گلانی راھشونءَ را سیکورٹی خدشہ انت بلے ہارون بلور ءَ را ہچ سیکیورٹی تھریٹ نیست ات، امنءُُ ایمنی ءِ ھاترا ادارکی حکومت صوبگ ءَ راہر ممکن کمک پھجارگ انت۔ جمعہءَ بُرزی ایوان ءِ تہ لس گچینکاری 2018ءِ آزاتیں ،ساپ ءُُ پلگاریں ءُُ پرامنیں برجمینگ ھاترا پدر بوتگیں خدشہ ءِ باروا حکومتی پسو دیان ءَ ادارکی تہی کارانی وزیر ءَ گوشت کہ 10 جولائیءَ اے این پی ءِ یک امیتوار ءِ سرا وت کُش اُرش بوتگ،ہمہ وھد ءَ اے این پی ءِ 40ءَ چہ 50جہدکار ساڑی اتنت،وھدیکہ ہارون بلوراتکگ ات ءُُ جہدکاراُودا جم بوتگ ات ،وھدیکہ ہارون بلور سر بوت تو وت کُش اُرش کار ءَ وتارا تراک ءَ گوں تباہ کتگ۔ایشی ءِ آسر ءَ ہارون بلور ءِ ھوار 22مردم شہید بوتگ ات ءُُ ایشی ءِ گن مین ءِ ھوار 75مردم ٹپی بوتگ انت۔آہاں گوشت کہ مہ صوبائی حکومت ءَ چہ سیکیورٹی گامگیج ءِ باروا سرجمیں حال لوٹ کرتگ انت۔
