اسلام آباد۔ 13 جولائی (اے پی پی) نگران بنجائی وزیر اطلاعات و نشریات بیرسٹر سید علی ظفر پارینے کہ اسہ ہم چینل اسے آ پابندی نا بابت ہچ ءُ پارت اس جاری متنے ، ای آزادی اظہار رائے آ یخین تخیوہ ۔ جمعہ نادے سینیٹ اٹی قائد حزب اختلاف سینیٹر شیری رحمان نا اعتراضی ٹک آ خیال آتا درشانی ءِ کرسا اوپارے کہ پیمرا کانود نا رداٹ حکومت پیمرا ءِ ہچ ءُ پارت اس جاری کننگ کپک ۔ چیئرمین پیمرا و اوناباسک آک وت واجہ ءُ ۔ اوپارے کہ ہراتسکان چینل آتیا پابندی نا معاملہ ءِ ، ای دا بابت ہچ ءُ پارت اس جاری کتنوٹ انتئے کہ ای اظہار رائے ناآزادی آ پورو باور کیوہ ۔ اوپارے کہ نن کس اسے تون اوار افن بلکن نیوٹرل اُن ۔ داکان مست اعتراضی ٹک آ خیال آتا درشانی ءِ کرسا قائد حزب اختلاف سینیٹر شیری رحمان پارے کہ میڈیا نابلیک آؤٹ کننگ انگ ءِ ، داڑآن گچین کاری تا شفافیت آ سوج چست مریک ۔ اوپارے کہ میڈیا بلیک آؤٹ آ نگران حکومت جوابدہ ءِ ، داوڑنا گام گیج آتیان آزادانہ وشفاف گچین کاری تا بابت سوج چست مریک ۔
