اسلام آباد۔ 13 جولائی (اے پی پی) نگران وزیر کانود و انصاف بیرسٹر سید علی ظفر پارینے کہ آزادانہ، شفاف ومنصفانہ گچین کاری تا اڈتننگ الیکشن کمیشن نا آئینی زمواری ءِ ، نگران حکومت آزادانہ، شفاف و منصفانہ گچین کاری تا اڈتننگ کن الیکشن کمیشن ءِ ہروڑکمک فراوان کننگ ءِ ۔ جمعہ نادے ایوان بالا نا دیوان اٹی لس گچین کاری 2018ء نا آزادانہ، شفاف وپرامن اڈتننگ نا بابت باسک آتا گڑتی نا بابت حکومتی موقف پیش کرسا اوپارے کہ پارلیمنٹ الیکشن کمیشن ءِ وت واجہ جوڑ کرے و آئین و کانود نا رداٹ الیکشن کمیشن ءِ سوگو کرے ا۔ الیکشن کمیشن ءِ آزادانہ، شفاف و منصفانہ گچین کاری تے کن کمک فراوان کننگ نگران حکومت نا زمواری ءِ ۔ نگران حکومت تینا زمواری تے پورو کننگ کن پبی کوشست کننگ ءِ ۔ اوپارے کہ نن ایوان نا باسک آتا سلہ نا شرف ءِ کینہ ۔ سینیٹ ءِ الیکشن کمیشن نا گام گیج آتا جاچ ءِ بایدے ہلوئی مرے ۔ الیکشن کمیشن ہر گچین کاری ضابطہ اخلاق نا خلاف ورزی آ المی گام گیج کیک ۔
