اسلام آباد۔ 13 جولائی (اے پی پی) چیئرمین سینیٹ محمد صادق سنجرانی بنوں ٹی مروک آ بمب دھماکہ نا ترند انگا لوز آتیٹی مذمت ءِ کرسا پارینے کہ دہشت گرد آتے تینا مذموم مسخت آتیٹی وخت اس ہم سرسہب مننگ کن ہلیپنہ ۔ دہشت گرد آک ملک انا شونداری ، شونہالی و جمہوریت ءِ لتاڑکننگ نا رند اٹ لگوک ءُ ولے غٹ سیاسی جماعت آتے بقاء و ملک انا شونداری کن تینا صف آتیٹی سیوت ودی کروئی مریک تانکہ داعنصر آتا حوصلہ شکنی ءِ کننگے ہرا ملک اٹی افراتفری تالان کرسا تینا ہندا عزم آتا دوئی کننگ ءِ ممکن کننگ خوارہ ۔ چیئرمین سینیٹ بنوں دھماکہ ٹی چندی بندغ آتا شہیدی آ ڈکھ و است ہسونی نا درشانی ءِ کرسا بمب دھماکہ ٹی شہید مروک آ بندغ آتے کن بخشش نا دعا و ٹھپی تا زوت جان جوڑی کن دعا ہم کرے ۔ داکان بیدس ڈپٹی چیئرمین سینیٹ سینیٹر سلیم مانڈوی والا ، قائد ایوان سینیٹ سینیٹر راجہ محمد ظفر الحق وقائد حزب اختلاف سینیٹ سینیٹرشیری رحمان ئسک ہم است ہسونی نا درشانی ءِ کرسا شہید مروک آتے کن بخشش نا دعا و ٹھپی تا زوت جان جوڑی کن دعا کرینو۔
