راولپنڈی۔ 13 جولائی (اے پی پی) پاک فوج انا سروک جنرل قمر جاوید باجوہ دہشت گردی نا سنگین کارروائی تیٹی پین 12 خطر ناک دہشت گردآتاسزائے موت نا فیصلہ غاتے پک کرینے ۔ دادہشت گردآک سلہہ بند فوج ،کانودنافذ کروک آ ادارہ و شاری تیا جلہو آتیان بیدس بنوں وڈیرہ اسماعیل خان جیل آ جلہو آتیٹی ہم اوار ئسر ۔ دہشت گردی نا داکارروائی تیٹی 7سویلین تون اوار 96 سکیورٹی کارندہ شہید و58 ٹھپی مسوسر ۔ 6 دہشت گردآتے جتا مدت آتا سزاتننگانے ۔ آئی ایس پی آر نا رداٹ غنی رحمن ولد فضل رحمن کالعدم تنظیم کا باسک اس ئس ، دابنوں وڈیرہ اسماعیل خان جیل آ جلہو آتیٹی اوار ئس ہراٹی 4بندغ شہید و21 ٹھپی مسوسر ۔ دا سلہہ بند فوج آجلہو آتیٹی ہم اوار ئس ہراٹی کیپٹن فصیح بابر امین ومسہ کارندہ شہید و12بندغ ٹھپی مسوسر ۔ ٹرائل کورٹ و مجسٹریٹ نا مون آ غٹ ڈوہ تے امنا کننگ آ اودے سزائے موت بنفنگاسس۔ عبدالغازی ولد سبیل خان کالعدم تنظیم نا متحرک باسک اس ئس ہرانا جلہو آتیٹی لیفٹیننٹ کرنل محمد یوسف، حوالدار محمد طاہرو مسہ فوجی ورناشہید و2 بندغ ٹھپی مسوسر ۔ ٹرائل کورٹ ومجسٹریٹ نا مون آ غٹ ڈوہ تے امنا کننگ آ اودے سزائے موت بنفنگاسس ۔ ضیا ء الرحمن ولد پیرزادہ، جاوید خان ولد نورزادہ کالعدم تنظیم کے متحرک باسک ئسر ۔ اوفک ایس پی ایلیٹ فورس بنوں میجر (ر) خیر الحسیب تون اوار 7 بندغ ءِ شہید کریر۔ ٹرائل کورٹ ومجسٹریٹ نا مون آ غٹ ڈوہ تے امنا کننگ آ اوفتے سزائے موت بنفنگاسس ۔
