اسلام آباد۔ 13 جولائی (اے پی پی) نگران وزیر خزانہ ڈاکٹر شمشاد اختر پارینے کہ نگران حکومت پاکستان نا پن ءِ ایف اے ٹی ایف نا بلیک لسٹ آن کشنگ کن کیہی پالیسی گام گیج کرینے ہرانا مثبت نتیجہ بسنے وایف اے ٹی ایف نا باسک آتے پاکستان نا موقف ءِ سمجھنگ اٹ کمک ملانے ۔ جمعہ نادے ایوان بالا ٹی قائد حزب اختلاف سینیٹر شیری رحمان نا چکار کرفوک نوٹس نا ورندی ءِ ترسا اوپارے کہ 2008ء آن 2012ء ٹی ہم پاکستان نا پن ایف اے ٹی ایف نا فہرست اٹی مسنے ۔ ساڑی ہی ٹی جہانی سیاست نارداٹ برطانیہ، فرانس، جرمنی وامریکہ پاکستان نا پن ایف اے ٹی ایف نابلیک لسٹ اٹی اوار کریر ۔ اوپارے کہ پاکستان نا پن بلیک لسٹ اٹی اوار کننگ نا چندی سوب آک ءُ ولے ساڑی آ نگران حکومت دا ویل آتا ایسری کن جامع حکمت عملی اس اختیار کرینے ۔ ایف اے ٹی ایف نابلیک لسٹ آن پاکستان نا پن ءِ کشنگ کن 49 پالیسی گام گیج کرینے وخت اس کہ 27 آ کاریم کننگ انگ ءِ ۔ نن فنانشل ایکشن ٹاسک فورس (ایف اے ٹی ایف) نا باسک آتیان کیہی کہول آتیا مذاکرات کرینن و چندی گام گیج آتیا عملدرآمد کن وخت وپاس اٹ رعایت دوئی کننگ اٹ سرسہب مسنے ۔
