اسلام آباد ۔ 12 جولائی (اے پی پی) صدر مملکت ممنون حسینءَ گوشت کہ راجانی دیمروئی ءِ تہ وانگ ءُُ زانگءَ بنیاتی بستار ھاصل انت،زھگانی تعلیم ءَ گوں کردار ساچی ءَ ھم پراھی دیگ ءِ ضلورت ات،ورناء شریں سوچ ءُُ عمل ءِ وسیلگ ءَ ملک ءُُ راج ءِ تبک ءَ برز کن انت،باندات ءِ چیلنج ءَ گوں دیم دیئگ ءِ ھاترا زھگانی وانگ ءُُ زانگ ءِ سرا ھاسیں دلگوشی دیگ لوٹ ایت،چُک مئے رکھتگیں باندات ءِ ضمانت انت،مئے دراھ ءِ اے ذمہ واری انت کہ آہاں ءَ را تعلیم ءِ ھاترا شریں ماحول پھجارگ بیت۔آں پنچ شمبے ءَ ادا بنجاہی وانگی بورڈ ءِ 33می سالینہ داد ءِ بہر ءُُ بانگ ءِ مراگش ءَ گوں گوشتانک دیئگ ات۔اے ساعت ءَ ادارکی بنجاہی وزیر تعلیم ءُُ ھیلکاری محمد یوسف شیخ ءُُ چیئرمین بنجاہی وانگی بورڈ ڈاکٹر اکرام علی ملک ھم ساڑی اتنت۔ صدر مملکت ءَ گوشت کہ مروچی دیمروئی ءُُ ٹیکنالوجی ءِ دگنیا باز ترندی ءَ گوں سوبمندی ءِ منزل ءَ سرجم کنگ انت، قدرت اے رنگیں سوبمندی ءَ ایوکا ہما راج ءَ را عطا کنگ ات ہمہ کہ تعلیم یافتہ بوھگ ءَ ھوار وتی اخلاقی ءُُ کردار ءِ مزنیں منصب ءَ نشتگ ات۔آہاں گوشت کہ راجانی دیمروئی ءِ تہ وانگی ءِ ھاسین بستار انت بلے کردارءِ سوگو ،شریں اخلاقی قدرانی پراھی ءُُ گہبودی ایشی ءَ چہ باز ھاس انت۔ صدر مملکتءَ استادءُُ والدین ءِ سرا زور مان کتگ کہ آں زھگانی تعلیم ءِ ھوار ایشانی مزن ءِ اخلاق ءُُ کردارساچی ءِ سرا ھم چمءَ ایر کن انت چیاکہ باندات ءَ ہمے زھگاں ءَ را ملک ءُُ راج ءِ ہلگ ءُُ چلگ سمبھالگی انت۔آہاں گوشت کہ مارا لوٹ ایت کہ کتابی علم ءِ ھوار در روایتی تعلیم ءِ وسیلگ ءَ ھم زھگانی علم ءُُ فہم ءُُ فراست ءَ گیش کنیں۔ صدر مملکتءَ گوشت کہ نودربرانی ھاترا گہتریں موہ انت کہ آں وتی محنت ءَ گوں وتی والدین ءُُ استادانی امیتانی سرا پیلو بوھگ ءِ ھاترا ہر ممکن جہد ءَ کن انت۔وانگ ءُُ زانگ ءُُ ھیلکاری ءِ دراھیں تبکءَ دگنیا ءِ رول ماڈلز ءَ را چار انت کہ چے وڈ ءَ آہاں وتی راج ءَ را وتی علم ،فہم ءُُ فراست ءَ گوں تدبر ءَ چہ گریبی ،افلاس ءُُ جیڈھ ءَ چہ درکتگ۔منی نصیحت انت کہ ہر وھد وتی ربیدگءَ اولیت ءَ دیت ،وتی راستیں سوچ ءُُ بچار ءُُ عمل ءِ وسیلگ ءَ وتی ملک ءُُ راجءَ را مقدم ایر کن ایت۔آہاں گوشت کہ زالبول ملکی آباتی ءِ پنجاھ درسد ات اے ھاتراالم انت کہ زالبول تعلیم یافتہ بنت بلکہ مزنیں فنی تعلیم ءِ نیمگا ھم دلگوشی ءَ دنت چیاکہ مہ اقتصادی راہداری ءِ ھوار دیمروئی ءِ دگہ چیزاں چہ ہمہ وھد ءَ پائدگ چست کت کنیں کہ وھدیکہ مئے چکانی ھوار ءَ جنین ھم وانگی ءِ نیمگا دلگوشی دنت۔ صدر مملکت ءَ دادزوروکیں دراھیں نودربراں،استاداں ءُُ والدین ءَ را مرادبات داتگ ءُُ شریں وانگی ءِ دراجی ءِ ھاترا فیڈرل بورڈ ءِ ذمہ وارانی نیمگا چہ کتگیں گام ءَ را ساڑاتگ۔اے ساعت ءَ ادارکی وزیر وانگ ءُُ زانگ ءُُ ھیلکاری محمد یوسف شیخ ءُُ چیئرمین بنجاہی تعلیمی بورڈ ڈاکٹر اکرام علی ملکءَ ھم تران کتگ۔آہاں بنجاہی وانگی بورڈ ءِ نیمگا چہ استادانی ھیلکاری،چکاسی نظام ءِ تہ گہتری ءُُ نودربرانی آسراتی ءِ ھاترا آن لائن سسٹم ءِ ھوار تعلیمی معیار ءِ پراھی ءِ ھاترا کتگیں گامانی ستا کتگ۔مراگش ءَ صدر مملکت ءَ پوزیشن زوروکیں نودربرانی تہ اسناد،میڈل ءُُ داد ھم بہر ءُُ بانگ کتگ انت۔
