اسلام آباد ۔ 12 جولائی (اے پی پی) بنجاہی وزیر ھالرسانکی ءُُ شنگکاری سید علی ظفر ءَ گوشت کہ رینجرز ءِ تعیناتی ءِ وسیلگ ءَ آپ ءِ دُزی دارگ ءِ ھاترا گام گیج کنگ بنت تنکہ بلوچستان ءَ را آپ ءِ بہر رس ایت۔ پنچ شمبے ءَ بُرزی ایوان ءِ دیوان ءِ تہ یک نکتہ اعتراض ءِ پسو ءَ آہاں گوشت کہ ارسا ءَ بلوچستان ءِ ھاترا ھم آپ ءِ بہر ایر کتگ بلے بد بھتی ءَ گوں بلوچستان ءَ را آپ ءِ بہر نہ رسگ ات،اے معاملہ ءِ سرا سندھ حکومت ءَ گوں یک دیوان ءِ ھم برجم بوتگ ایشی ءِ تہ سندھ حکومت ءَ اے موقف اختیار کتگ کہ آپ ءِ دُزی ءِ آسر ء۔ اے معاملہ دیم آھگ انت۔انوں رینجرز ءِ تعیناتیءِ وسیلگ ءَ آپ ءِ دُزی دارگ ءِ ھاترا گامگیج کنگ بنت تنکہ بلوچستان ءَ بہر ءِ آپ رسیت۔آہاں گوشت کہ ضلع ٹھٹھہ ءِ تہ توان ءِ یک سکیم ءِ ھوالہ ءَ گوں 10 میٹرز ءِ دزبندی انت وھدیکہ 60میٹر جنئگ بنت پدا اُودا ٹرانسفارمر جنئگ بیت۔
