اسلام آباد۔ 12جولائی (اے پی پی) بنجائی وزیر اطلاعات و نشریات و انچارج کابینہ ڈویژن سید علی ظفر پارینے کہ 18 می ترمیم نا رداٹ جان جوڑی نا بشخ صوبہ غاتے گدریفنگانے، ڈرگ ریگولیٹری اتھارٹی بنجانا بشخ اسے ، غٹ صوبہ غاک ڈرگ ریگولیٹری اتھارٹی ءِ بنجانا رداٹ تخنگ آ امنا کرینو انتئے کہ کیہی صوبہ غاتیٹی دوائی تا آب جتا مننگ آن ویل ودی مریک ۔ اوداہیت ءِ پنچ شنبے نادے داڑے ایوان بالا ٹی سینیٹر نعمان وزیر، سینیٹر عثمان کاکڑ، ثمینہ سعید و سردار اعظم موسیٰ خیل نا سوج آتا ورندی ءِ ترسا پارے۔ اوپارے کہ 18 می ترمیم آن پد ہراڑے جم وڑاٹ ہڑتوم آ کنڈآتا کانود سازی نا فہرست ءِ حذف کننگا، فہرست اٹی ساڑی 47 بشخ صوبہ غاتے گدریفنگانے و اسہ عملدرآمد کمیشن اس جوڑ کننگا۔ کمیشن سفارش کریسس کہ بنجائی سیکرٹریٹ نا 17 وزارت و ڈویژن آتے چٹفنگے۔ کابینہ ڈویژن 2010-11ء ٹی عملدرآمد کمیشن نا غٹ سفارش آتیا عمل کرے۔ اوپارے کہ دا چرجوئی ٹی شفافیت ءِ المی جوڑ کننگک و نن ہندن ءُ گام گیج کینہ کہ بروک آ حکومت اوفتیا عمل کننگ کے۔ اوپارے کہ 18 می ترمیم نا رداٹ جان جوڑی نا بشخ صوبہ غاتے گدریفنگانے ولے غٹ صوبہ غاک داڑآ امنا کریر کہ ڈرگ ریگولیٹری اتھارٹی بنجائی کہول آ ہی بایدے مرے انتئے کہ کیہی صوبہ غاتیٹی دوائی تا جتا معیار مننگ کپک ، داڑآن ویل ودی مننگ کیک۔
