اسلام آباد ۔ 11 جولائی (اے پی پی)الیکشن کمیشن ءَ لہتیں چینلز ءِ سرا شنگ بیوکیں سیاسی اشتہارانی تہ راھبندانی ھلاپی ءِ سرا چیئرمین پیمرا ءَ را (مروچی) پنچ شمبے ءَ لوٹ کرتگ۔ الیکشن کمیشنءِ نیمگا چہ جاڑی بیان ءِ ردا سیاسی گلانی ءِ نیمگا چہ چینلز ءِ سرا شنگ بوتگیں اشتہارانی ءِ تہ راھبندانی یکشلہ ھلاپی برجاہ ات۔اے ھوالہ ءَ الیکشن کمیشن ءَ چیئرمین پیمراءَ را مروچی پنچ شمبے ءَ لوٹ کرتگ۔ایشی ءَ چہ پیش ءَ گچینکاری کمیشن ءَ سئے شمبے ءَ چیئرمین پیمرا ءَ را نمدی دیم داتگ ات کہ تحریک انصاف ءِ لہتیں چینلز ءِ سرا شنگ بیوکیں اشتہار الیکشن راھبندانی ھلاپ ات ءُُ ایشی ءَ سیاسی محالف آنی باروا ردیں زبان کارمرز کنگ بوھگ انت۔ایشی ءَ چہ گچینکاری ءِ کار ءِ تہ امن ءُُ ایمنی ءِ جاور ھال نگیگ بوھگ ءِ امکان انت۔
