اسلام آباد۔ 10 جولائی (اے پی پی) سرپانک مزن وزیر جسٹس (ر) ناصر الملک ءَ گوں پاکستان ءِ اوگان سفیر ڈاکٹر حضرت عمر زخیلوال ءَ گند ءُُ نند کت۔ سرپانک مزن وزیر جسٹس (ر) ناصر الملک ءَ دوئیں ملک آنی دو نیمگی یکوئی آنی تہ ءَ گیش گہتری ءِ سرءَ دل یکیمی ءِ درشان کنان ءَ ھاسیں رنگ ءَ اوگان ایکشن پلان فار پیش اینڈ سولیڈیرٹی ءِ رد ءَ انوگ ءَ تاں دیمروئی جنز آناں جاڑی دارگ ءِ سرءَ زور پر دات۔ اوگانستان ءِ سفیر زخیلوال ءَ گوشت کہ دو نیمگی گپ ءُُ تران سک باز ارزشتی انت ءُُ اوگانستان پاکستان ایکشن پلان توامیں شوبگ آنی تہ ءَ جوانیں دیمروئی ءِ رِچ ءَ آسراتی پُجارین ایت۔ آئی ءَ گوشت کہ عید الفطر ءَ توامیں فریقین آنی نیام ءَ جنگ بندی ءَ چہ پد ایمنی ءِ واھشت ءِ تہ ءَ گیشی بوتگ ءُُ اے رد ءَ گیش دیمروئی ءِ واستہ امیت سہرا بوھگ ءَ اَنت۔ سرپانک مزن وزیر ءَ گوشت کہ اوگانستان ءِ جیڈھ ءِ اِچ اُردی گیواری نیست۔ آئی ءَ پاکستان ءِ نیمگ ءَ چہ اوگانستان ءَ اوگان آنی سروکی ءَ ایمنی ءِ کار ءِ واستہ گیشاں چہ گیش کمک ءِ دل یکیمی کنائینت۔
