مھکمیں دیمروئی ءِ ھد ءُُ ابیل ءِ در جنگ ءِ ھاترا پاکستانی کوشست آناں دل یکیمی جوڑ کنگ ءِ ھاترا یو این ڈی پی ءُُ سوئس ایجنسی برائے دیمروئی ءُُ کمک ءِ نیام ءَ دو نیمگی منوگری ءِ سر ءَ دست چنگل

منوگری پاکستان ءِ مھکمیں دیمروئی ءِ ھد ءُُ ابیل آنی دزگیری ءَ پالیشی ڈائیلاگ ءِ واستہ پلیٹ فارم پُجارین ایت، اگناسیوآرنازا
اسلام آباد۔ 10 جولائی (اے پی پی) مھکمیں دیمروئی ءِ ھد ءُُ ابیل (ایس ڈی جیز) ءِ در جنگ ءِ ھاترا پاکستانی کوشست آناں دل یکیمی جوڑ کنگ ءِ ھاترا یو این ڈی پی ءُُ سوئس ایجنسی برائے دیمروئی ءُُ کمک (ایس ڈی سی) ءَ سئے شمبے ءَ ادا منوگری ءِ سر ءَ دست چنگل جت۔ پنچ لکھ ڈالر مالیت ءِ دو سالہ منوگری ءَ چہ نیشنل ہیومن ڈویلپمنٹ رپوٹ ءُُ یو این ڈی پی ءِ سہہ ماہی پبلیکیشن ءَ کمک رسیت۔ یو این ڈی پی ءِ کنٹری ڈائریکٹر اگناسیو آرتازا ءَ اے موہ ءَ سر ءَ گوشت کہ مھکمیں دیمروئی جوانیں بالاد ءِ پٹ ءُُ پول ءِ کوپگ ءَ اِنت۔ ایس ڈی سی ءِ گوما منوگر پاکستان ءِ مھکمیں دیمروئی ءِ ھد ءُُ ابیل آنی گر ءُُ دار ءِ پالیشی ڈائیلاگ ءِ واستہ پلیٹ فارم پُجارین ایت۔ پاکستان ءَ سوئس سفارتخانے ءِ انٹرنیشنل کوآپریشن ءِ سروک ڈاکٹر سٹیفانی بوری ءَ گوشت کہ ما پاکستان ءِ گوما دیمروئی کمک ءِ پنجاھ سال ءِ مراگش ءَ برجم دارگ ءَ آں۔ آئی ءَ گوشت کہ مھکمیں اقتصادی ھد ءُُ ابیل آنی گر ءُُ دار ءَ پاکستان ءِ گوما کمک ءَ جاڑی بدار آں۔