اسلام آباد۔ 10 جولائی (اے پی پی) وزیراعظم جسٹس (ر) ناصر الملک ءِ وزیراعظم آفس اٹی ہوابازی ڈویژن نامعاملہ غاتا بابت سے شنبے نادے احوال تننگا۔ احوال اٹی بنجائی وزیر ہوابازی لیفٹیننٹ جنرل (ر) نعیم خالد لودھی، سیکرٹری ہوابازی ڈاکٹر اعجاز منیر، وزیراعظم ناایڈیشنل سیکرٹری ڈاکٹر کاظم نیاز، ڈائریکٹر جنرل اے ایس ایف میجر جنرل علی عباس، ڈی جی سول ایوی ایشن اتھارٹی جی حسن بیگ، ڈائریکٹر جنرل محکمہ موسمیات غلام رسول، چیف ایگزیکٹو آفیسر پی آئی اے مشرف رسول و ایلو بڑزکو آفیسر آک ساڑی ئسر ۔ سیکرٹری ہوابازی تینا ادارہ نا شونداری کن کروک آ گام گیج و چاگڑدی ٹریفک ءِ رکھ جوڑ کننگ کن کروک آ گام گیج آتا بارواٹ معلومدار کرے ۔ او وزیراعظم ءِ سول ایوی ایشن اتھارٹی، پی آئی اے، ایئرپورٹ سیکورٹی فورس ومحکمہ موسمیات تون اوار چندی ادارہ غاتا معاملہ غاتا بارواٹ سرجمی اٹ معلومدار کرے ۔ ایوی ایشن پالیسی نا بابت احوال اٹی وزیراعظم ءِ پارے کہ 2015ء ناقومی ہوابازی پالیسی آعملدرآمد اٹی گچینی نا معاملہ غاتا ہرا پیدواری ءِ کننگا اوفتا رداٹ پالیسی نا جاچ ءِ ہلنگ انگ ءِ ۔
